لغه مصريه

اللغه المصريه القديمه (𓂋𓏺𓈖 𓆎𓅓𓏏𓊖 r n km.t) هى لغه المصريين القدام و من عيلة اللغات الافرواسيويه. اللغة المصرية إتكتب و فيه سجلات مكتوبه بيها من سنة 3400 قبل الميلاد تقريبا ^[1] و ده بيخليها واحدة من أقدم اللغات المعروفة المسجلة. و كان المصريين بيتكلموها لحد أواخر القرن السابع الميلادى فى شكل القبطى.

لغه مصريه
النسب
ISO 639-2	egy
ISO 639-3	egy
لغه رسميه فى	مصر الرومانيه مصر الفرعونيه مصر
الاسم الاصلى	(بالمصرى قديمة: r n km.t) (بالمصرى قديمة: 𓂋𓏤𓈖𓆎𓅓𓏏𓊖)
نظام الكتابه	هيروجليفى ،  واللغه الهيراطيقيه ،  واللغه الديموطيقيه ،  وحروف قبطى
تعديل

تاريخيا

اللغه والرموز الهيروغليفيه اتكتبت بيها سجلات مكتوبه من سنة 3400 ق.م (قبل الميلاد) تقريبا^[1] وده بيخليها واحدة من اقدم اللغات والحروف المعروفه المكتوبه والمسجله فى العالم، لان اقدم اللغات والحروف المعروفه المكتوبه والمسجله فى العالم هيه وبالترتيب من الاقدم للاحدث:

1. اللغه والرموز "السومريه"
2. اللغه والرموز (الهيروغليفيه) المصريه
3. اللغه والرموز "الكنعانيه"

نظم الكتابه التلاته هى اقدم نظم الكتابه المعروفه والمسجله فى العالم.

تاثير

لاحظ علما الخطوط ان حرف( پ) الهيروغليفى اللى بيشبه باب اتحول بعد تعديله لحرف "P" فى حروف الابجديه اليونانيه، و ان حرف (ن) اللى شبه موج زى موج نهر النيل, اتحول بعد تعديله لحرف "N" فى اليونانى و اللاتينى ، وان حرف (ا) اللى على شكل نسر واقف و مرسوم من جنبه , اتحول لحرف "A" فى اليونانى و اللاتينى. و ان حرف (ى) اللى علا شكل ورقة بردى اتحول بعد تعديله لحرف(I) فى اليونانى و اللاتينى .تأثير الرموز الهيروغليفيه على اليونانيه و اللاتينيه حصل بعد مده و علا مراحل طويله و متعدده بعد ما طورها الكنعانيين بتطوير حروف ابجدية ضمنها حروف الابجديه الكنعانيه القديمه وحروف الابجديه الكنعانيه الحديثه وحروف الابجديه الفينيقه وحروف الابجديه الاراميه وغيرهم. علما الخطوط بياكدو ان الحروف الهيروغليفيه و الكنعانيه هى اصل معظم او تلت تربع (4/3) حروف ابجديات العالم.

تحول

بعد اندثار الحروف المصريه القديمه الهيروغليفى و الهيراطيقى و الديموطيقى, المصريين كانو بيتكلمو نفس اللغه لكن كتبوها بالحروف القبطيه لحد الاحتلال العربى فى القرن السابع الميلادى. استمر المصريين يتكلمو اللغه دى فتره طويله بعد الاحتلال العربى . اللغه اتسمت اللغه القبطيه واللى نتجت فى بداية القرن التانى الميلادى لما استعار المصريين كتير من الحروف اليونانيه اللى شويه منها اصله مصرى مع ابقائهم علا سبع حروف من الحروف الابجديه الديموطيقيه المصريه وبكده ظهرت اللغه القبطيه وحروف ابجدية اللغه القبطيه.

شوف كمان

. المصرى المتأخر لغه كانت بتستخدم فى الكتابة فى عصر مملكة مصر الجديده و فترة العمارنة من سنة 1350 تقريبا قبل الميلاد.

مصادر

1. "Inscriptions Suggest Egyptians Could Have Been First to Write". The New York Times. 16 December 1998. Retrieved 1 May 2010.