سل

السـُل (تى بى / تيوبر كولۏسيس) Tuberculosis, او TB هوه مرض منتشر و ممكن يسبب الموت لو ماتعالجش ،بييجى نتيجة اصابة الواحد بباكتيريا اسمها مايكوباكتيريوم تيوبركيولوسيس. السل غالبا بيهاجم الرئه ( السل الرئوى) بس ممكن كمان يهاجم حتت تانية فى جسم الانسان زى الجهاز العصبى المركزى و الجهاز الليمفاوى و الجهاز الدورى و العضم و المفاصل و لحد الجلد.الاعراض بتاعة السل غالبا بتبقى الكحة الجامدة المزمنة و البلغم اللى فيه دم و السخونية و العرق بالليل والخسسان.

سل
مرض
معلومات عامه
اختصاص طبى	امراض معديه  [لغات أخرى]‏ ، منظمات النفس
من انواع	مرض معدى ، مرض
الاسباب
الاسباب	متفطره سليه [1][2][3]
طريقة انتقال العامل المسبب للمرض	انتقال عن طريق الجو  [لغات أخرى]‏ [4]
المظهر السريرى
الاعراض	كحه [5]، وحمى [5]، الم صدر [5]
الوبائيات
اعباء المرض	43650273 معدل السنة الحياتية للإعاقة (2012)[6]
انتشار المرض	0.00044 (سورينام ) (2014)[7] 0.0000043 (ايسلاندا ) (2014)[8] 0.00078 (اكوادور ) (2014)[9] 0.0001 (النرويج ) (2014)[10] 0.0000012 (فرنسا ) (2014)[11] 0.000029 (امريكا ) (2014)[12] 0.000028 (2018)[12]
تعديل

تصانيف	شوف كمان
طب	سرطان الثدى
دكتور
مرض | جينات الإنسان

الباكتريا اللى بتسبب مرض السل

العدوى

بكتيريا السل مايكوباكتيريوم تيوبركيولوسيس تنتقل بالهواء من شخص لآخر ( العطاس او السعال او البصق), و شخص واحد مريض بالسل ممكن ينقل العدوى الى الاشخاص من 10 – 15 شخص فى السنه.و موجود فى العالم دلوقتى حوالى 16 مليون شخص مصاب بالسل (الدرن) النشط . و ثلث سكان العالم معرضين للعدوى . شخص كل ثانية يصاب بالسل فى العالم حسب تقديرات منظمة الصحة العالمية. وكل سنه يموت من المرض 2 مليون منهم,90% فى الدول الفقيرة والنامية .

اسامى السل

كان الدرن بيسمى بالسل {الاستهلاك} ، لانه يبدو انه بيستهلك الناس من جوه ، الكحة بالدم، الحمى ، الشحوب ،هزال طويل ؛ سل الغدد الليمفاويه (فى البالغين) ، اللى بتأثر على الجهاز اللمفاوى وغدد الرقبة ، درن البطن ، درن الجلد ؛ الهزال والمرض السل كان بيتسمى كمان بالطاعون الابيض ، لأنه يظهر ان المصابين بالدرن كانو بيعانو بشكل ملحوظ من الشحوب.

التشخيص

اختبار التيوبركولين فى الجلد

مرض السل بيتشخص بواحدة او اكتر من الطرق دي:

1. اشعة اكس على الصدر
2. اختبار التيوبركولين فى الجلد
3. تحليل الدم
4. فحص بالميكروسكوب لعينة من سوايل جسم المريض ( البلغم مثلاً)

العلاج

علاج السل مش سهل و يحتاج مضادات حيوية كتيره و لمدة طويلة و فى وده الوقت زادت مشكلة السل لما ابتدت تظهر انواع جديدة من البكتريا اللى تقاوم العلاج.

العلاج ينقسم لادوية الخط الاول و ادوية الخط التانى ، بالنسبة للخط الاول فدى الادوية:

• ايتامبيوتول
• ايزونيازايد
• بايرازينامايد
• ريفامبيسين
• ستريبتومايسين

اما بالنسبة للخط التانى فدى اهم ادويته :

• سيبروفلوكساسين
• موكسيفلوكساسين
• بارا-امينوساليسيبيك اسيد

الوقاية

الوقاية من ده المرض تكون عن طريق التطعيم البى سى جى و ايضاً عن طريق برامج الفحص للاشخاص المعرضين للمرض.