From Wikipedia, the free encyclopedia
سيبوترامين sibutramine hydrochloride monohydrat
الاسم التجاري : ميريديا Meridia( امريكا - كانادا - مصر ) وله اسم تاني ريداكتيل Reductil ( اوروبا - باقي الدول ) .
دوا بيتاخد بالبوء لعلاج التخن ( بيسد النفس ) . بيشتغل ع المخ ( بيزود مادتين اسمهم سيروتاينين و نورابنيفرين فى المخ ) تركيبه قريب من الامفيتامينات بس ليه طريئه شغل تانيه .
من تصنيع شركه Abbott ومن ادويه الجدول فى امريكا .
امتصاص الدوا من الامعاء كويس (77%) لكنه بيحصله ميتابوليزم ( تفاعلات تكسير جوه الجسم first-pass metabolism ) فبيقل تركيزه واللي بيوصل لاعلي معدل فى الدم بعد ساعه من اخدانه وفتره نص عمره ( الفتره اللى بينزل فيها تركيزه فى الدم للنص ) بتكون ساعه , بتكسره انزيمات الكبد بعد كده لمنتجات كتير بيخرج شويه منها فى البول .
بيشتغل ع المخ ( بيزود مادتين اسمهم سيروتاينين و نورابنيفرين فى المخ ) . واللي بيسبب سد النفس والشبع السريع لانه بيسد مركز الشهيه فى المخ . تركيبته قريبه من ادويه الاكتئاب ثلاثيه الحلقه tricyclic antidepressan لكنه مالهوش تاثير مضاد للاكتئاب حسب تجارب ع الحيوانات . اعتمدته اداره الادويه والاغذيه الامريكيه FDA فى نوفمبر 1997 كدوا تخسيس .
الدوا ممنوع استخدامه فى الحالات دى
الاثار المتكرره زي نشفان الريق , نفس مفتوحه ( عكس تاثير الدوا ) , طعم غريب فى البؤ , تعب فى المعده , امساك , متاعب فى النوم , دوخه , خمول , الام الدوره , صداع , صهد فى الوش , وجع فى العضلات والمفاصل .
ممكن يرفع ضغط الدم وضربات القلب بشكل كبير . عشان كدا المرضي اللى بياخدوه لازم يتابعوا ضغطهم وضربات قلبهم بانتظام .
الاثار اللى مش متكرره لكنها خطيره ومحتاجه استشاره دكتور زي تنميل الجلد ( بيحس المريض انه فيه ابر او دبابيس فى جلده ) , ضربات قلب مش منتظمه , تغييرات فى المزاج و الموود ( زي الاثاره , عدم الراحه , تشويش , اكتئاب , نادرا تفكير فى الانتحار ) .
الاعراض اللى محتاجه طوارئ زي التشنجات , مشاكل التبول , كدمات او نزيف , الصفرا , الحمي , الم فى الصدر , رؤيه مشوشه , براز اسود , ترجيع دم , رعشه من الحمي , شلل نصفي , كتمه النفس , تورم الجسم .
علو ضغط الرئه محصلتش فى ولا حاله .
ممنوع مع
10 ملجم مره واحده ( غالبن الصبح ) . لو التخسيس مش كافي ممكن الجرعه تزيد ل 15 ملجم بعد 4 اسابيع .
دراسات بتشك انه الدوا ده ممكن يسبب موت مفاجئ , فشل فى القلب , فشل كلوي ومشاكل فى الجهاز الهضمي . دكتور دافيد جراهام من FDA اتسأل فى مجلس الشيوخ عن مشاكل الدوا وهل هيا اكتر من فوايده ؟ . لكن عمومن الدوا متسحبش رغم المناقشه فى مجلس الشيوخ فى 2005 و مكنش فيه اى محاولات من FDA لسحبه من الاسواق ودا بيدل علي انها مجرد شكوك .
- ويكي انجليزيه ( ترجمه للمصري )
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
