Remove ads
هيئة دار الكتب و الوثائق القومية ، اتعرفت كمان باسم " دار الكتب المصريه " ، مكتبه ضخمه فى القاهره ، مصر ، انشأها على مبارك سنة 1870 وجمع فيها كتب و مخطوطات من كل نواحى مصر. ابتدت باسم الكتبخانه فى سراية مصطفى فاضل باشا اخو الخديوى اسماعيل باشا فى درب الجماميز ، و فى سنة 1904 اتنقلت لمبنى فى باب الخلق و بعدين لمبنى ضخم ع النيل فى بولاق. دار الكتب فيها مجموعات ضخمه و قيمه و مخطوطات نادره و عدد كبير من العملات القديمه و البرديات و التحف. بتضم مجموعتها اكتر من مليون مجلد ، و ليها فروع فى القاهره و ضواحيها. قانون الايداع فى مصر بيدى دار الكتب حق الحصول على كذا نسخه من كل كتاب او مطبوعه فى مصر. اشرفت دار الكتب من فى مركز تحقيق التراث على تحقيق و نشر كتب نادره زى كتاب " النجوم الزاهره فى ملوك مصر و القاهرة " لـ " ابن تغرى " ، و اتحطت فيها مجموعة كتب و مخطوطات العلامه احمد تيمور النادره بعد وفاته.
| ||||
|---|---|---|---|---|
 | ||||
 | ||||
| ||||
| ||||
| معلومات | ||||
| البلد |  | |||
| التقسيم الادارى | محافظة القاهره | |||
| التأسيس | 1870 | |||
| احداثيات | 30°03′59″N 31°13′39″E | |||
| المدينه | القاهره [1] | |||
| المدير | لودويج شتيرن [2]، وعلي بن محمد الببلاوى [3]، واحمد لطفى السيد [3]، وعبد الحميد ابو هيف [3]، وصلاح فضل [4] | |||
| إحصاءات | ||||
| الموقع | الموقع الرسمى | |||
 | ||||
تعديل  | ||||
Remove ads
فى البدايه اتأسست " الكتبخانه " فى دور من أدوار سراية الامير مصطفى فاضل اخو الخديوى اسماعيل اللى عاز على مبارك انها تكون مكتبه زى مكتبة فرنسا الوطنية فى باريس. و بعد ما زادت الكتب بسرعه قرر انه يبنى مبنى جديد للمكتبه سنة 1904 و هو المبنى المعروف دلوقتى باسم " دار الكتب المصريه " فى وسط القاهره ، و بيعتبر المبنى ده من اجمل المبانى فى العماره الاسلاميه اللى اتبنت فى مصر فى العصر الحديث.
المبنى اتقفل فتره فى اواخر القرن العشرين لعمل ترميمات و بعد الترميمات ما خلصت سنة 2003 بتكاليف 15 مليون دولار اتفتح المبنى تانى ، لكن الحكومه المصريه اللى شافت ان الكتب و الوثائق القوميه اعدادها بقت ضخمه قررت تبنى مبنى كبير يكفيها فبنت مبنى تانى على الكورنيش الشرقى للنيل يستوعبها. لكن فضل المبنى القديم " الكتبخانه " كمتحف بيضم مجموعات نادره من الكتب و الوثائق و المخطوطات التاريخيه القيمه و البرديات و العملات و مطبوعات من القرن تسعتاشر. من مقتنيات الكتبخانه تحف نادره من ابرزها ماكيت صغير لقبة الصخره فى القدس و هو ماكيت قيم جداً و مترصع بالجواهر و الأحجار الكريمه و متزخرف بكتابات عربيه و فارسيه جميله. و من المقتنيات القيمه التانيه " حباية قمح " مكتوب عليها تواريخ حكم مصر من سنة 641 لحد الملك فؤاد الاول.
Remove ads
فى الكتبخانه كمان برديات بيرجع اقدمها لسنة 709 من ايام الوليد بن عبد الملك الأموى و مخطوطات عربيه و فارسيه و تركيه فى الطب و الادب و الديانات و الفلك من ضمنها نسخة من سنة 999 ل" مشكل القرآن " لابن قتيبه و نسخه من سنة 1393 للملحمه الفارسيه " الشاهنامه ".
بالاضافه للتحف و النسخ النادره الكتبخانه فيها كمان حوالى 40 كتاب قيم اتطبعوا ما بين سنة 1514 و 1884 و لوح خطيه و 29 خريطه نادره اقدمها من سنة 1404.
دار دار الكتب والوثائق القومية احتفلت فى 27 نوفمبر 2010 بمرور 140 سنه على انشاء " الكتبخانه " كأول مكتبه وطنيه فى مصر و المنطقه و اتعمل مؤتمر دولى شارك فيه عدد كبير من الباحثين المصريين و الاجانب و رؤساء المكتبات الوطنيه و الشخصيات العامه من مختلف بلاد العالم . و بالمناسبه دى طبعت الدار نسخ من الكتب النادره زى " الشاهنامه " و " عيون الأخبار " و " اصول نقد النصوص " و " تاريخ المساجد الاثرية " و " محاضرات فى أوراق البردى العربيه ". وناقش المؤتمر موضوعات مهمه منها " الدور التنويرى لدار الكتب " ، و " المسشرقين فى دار الكتب " ، و " دور دار الكتب فى تحقيق الاثار " ، و " مشروعات الكتلجه فى دار الكتب " ، و " ترميم التراث و صيانته ".
المؤتمر استمر لغاية 30 نوفمبر 2010 فى قاعة الندوات فى مبنى دار الكتب و اتقدمت شهادات لعدد من الشخصيات العامه المصريه و الاجنبيه اللى لعبت دار الكتب دور فى تشكيل ثقافتهم.
Remove ads
- العربية.نت، احتفالية دولية بمرور 140 عاماً على انشاء دار الكتب المصرية،24 نوفمير 2010.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads