اغا خان الاول
From Wikipedia, the free encyclopedia
From Wikipedia, the free encyclopedia
حسن علی شاه و لقبه آغا خان الاول (1804 كهك, فارس - 1881 مومباى, الهند) هو الامام السته و اربعين للطايفه النزاريه الاسماعيليه ف الاسلام الشيعى.
| ||||
---|---|---|---|---|
![]() | ||||
معلومات شخصيه | ||||
الميلاد | سنة 1800 [6] | |||
الوفاة | سنة 1881 (80–81 سنة) | |||
مواطنه | ![]() | |||
ابناء | اغا خان التانى | |||
الحياه العمليه | ||||
المهنه | سياسى | |||
تعديل مصدري - تعديل ![]() |
حسن علی شاه اتولد ف كهك ف فارس سنة 1804. ابوه كان شاه خليل الله التالت و لما اتقتل, سنة 1817 حسن علی شاه خلفه ف الامامه عشان كان ابنه الكبير. . اتجوز الاميره سارو جهان خانوم بنت الملك الفارسى فتح على شاه اللى عينه والى على قم ومنحه وسام "آغا خان". اللقب دخل ف العائله و خلفاه ورثوه. سنة 1835, لما الملك مات, محمد شاه قاجار مسك العرش و عين الامام حسن على شاه حاكم على كرمان بس هو وقع من عين الملك الجديد واضطر بعد صراعات مسلحه الى الهروب الى قندهار ف افغانستان سنة 1841.
اتعامل هناك مع البريطانيين و خصوصا وليم ماكنجتن بس لما محمد اكبر خان غلب البريطانيين ف جاندماك حسن علی شاه هرب الى السند و هناك ساعد تشارلز جيمس نابير, اللى كان قائد البريطانيين , ف ضم الاقليم الى الامبراطوريه البريطانيه. ف اكتوبر 1844 سافر من السند و زار ف طريقه مجتمعات ابتاعه و وصل الى مومباى ف فبراير 1846. الحكومه الفارسيه طالبت بتسليمه من الهند. البريطانيين رفضو ووافقو على نقل مقر اقامته الى كولكاتا بس, عشان هناك كان صعب عليه شن هجمات جديده ضد الحكومه الفارسيه. ف النهايه حسن على شاه اضطر عالمغادره الى كولكاتا ف ابريل 1847, و هناك بقا لحد وفاه محمد شاه قاجار. رجع الى مومباى و البريطانيين حاولو الحصول على اذن لرجوعه الى بلاد فارس الا انه ما قدروش ترتيب رجوعه الآمن, واضطر حسن على شاه الى الاقامه دائما ف الهند.
حسن على شاه استفاد من الحمايه من الحكومه البريطانيه ف الهند باعتباره الرئيس الروحى لمجتمع مسلم مهم وهوا الخوجه. قرر الحصول على تعهد بالولاء من افراد المجتمع ده لنفسه وللمذهب الاسماعيلى الشيعى. معظم افراد الطايفه وافقو بس مجموعه من الخوجه المعارضين, شعرو بفقدان هيبتهم مع وصول الامام, واكدو ان الطايفه كانت دائما سنيه.
سنة 1866, المنشقون رفعو دعوى ف محكمه مومباى العليا ضد حسن على شاه. يشار الى القضيه دى عاده باسم قضيه الآغا خان, والحكم النهائى والمفصل كان ضد المدعين ولصالح حسن على شاه, واثبت قانونيا وضع الخوجه كطايفه يشار اليها باسم الاسماعيليين الشيعه النزاريين, وحسن على شاه باعتباره الزعيم الروحى للطايفه دى.
حسن على شاه مضى سنينه الاخيره ف مومباى. حافظ على تقاليد النبلاء الفارسيين, و كان عنده اسطبلات ممتازه وبقا شخصيه معروفه ف مضمار سباق مومباى. مات بعد امامه دامت اربعه وستين سنه ف ابريل 1881. واتدفن ف ضريح اتبنا خصوصا ليه ف مومباى. نجا من تلاته ابناء وخمس بنات. وخلفه كامام ابنه الاكبر آغا على شاه, اللى بقا آغا خان التانى.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.