وقعة اسكندريه
From Wikipedia, the free encyclopedia
وقعة اسكندريه، غاره عسكريه شنها بيير دو لوزينان Pierre de Lusignan (بطرس الاولانى لوزينان) Peter I ملك قبرص على مدينة إسكندرية فى شمال مصر سنة 1365 فى عهد السلطان الأشرف شعبان. فى الغاره دى نزلت قوات بيير من المراكب فى اسكندريه و نهبتها و خربتها بالكامل و هربت بالمنهوبات و المخطوفين.
الحملة الصليبية على الإسكندرية | |||||||||
---|---|---|---|---|---|---|---|---|---|
جزء من الحملات الصليبية | |||||||||
معلومات عامة | |||||||||
|
|||||||||
القادة | |||||||||
بطرس الاولانى من قبرص | غير معروف | ||||||||
الوحدات | |||||||||
165 سفينة | غير معروفة | ||||||||
القوة | |||||||||
مملكة قبرص جمهورية البندقية فرسان الاسبتارية |
سلطنة المماليك | ||||||||
الخسائر | |||||||||
غير معروفة | 5000 استـُعبدوا[1] 20,000 قتيل(مبالغة)[1] | ||||||||
تعديل |
بعد ما الحملات الصليبيه الكبيره خلصت بهزيمة لويس التاسع فى مصر فى الحمله الصليبيه السابعه (1249 - 1250)، و بعدين وفاته وقت الحمله الصليبيه التامنه (1270) و طرد الصليبيين من عكا و من كل جيوبهم على ساحل الشام على إيد سلطان مصر الأشرف خليل (1291)، استمر الصليبيين حاطين عينيهم على مصر بإعتبارها البلد اللى قدرت بإمكانياتها الضخمه و تقدمها الحضارى و العسكرى إنها تقضى على طموحاتهم فى جنوب البحر المتوسط.
بعد طرد الصليبيين من عكا بقت قبرص تحت حكم أسرة لوزينان Lusignan، و جزيرة رودس تحت حكم الفرسان الاسبتاريين (الاسبتارية)، و بقم الجزيرتين مراكز لنشاط الصليبيين فى البحر المتوسط اللى كان لسه بيراودهم حلم استرجاع بيت المقدس. ملك قبرص بقى ملك إسمى لمملكة بيت المقدس اللى فى الواقع من 1291-1292 ما بقتش موجوده.