هيلينستيه
From Wikipedia, the free encyclopedia
From Wikipedia, the free encyclopedia
الهيلينستيه Hellenicism حضاره و ثقافه قامت فى زمن و بعد الاسكندر الاكبر فى منطقة البحر المتوسط و الشرق الاوسط. عصر الاسكندر الاكبر كان مرحله انتقال مهمه فى تاريخ الحضاره الانسانيه. الاسكندر ما اكتفاش بتأسيس امبراطوريه و ازالة الحدود السياسيه بين الشعوب و لكن حاول كمان مزج الثقافات، فظهرت حضاره امتزجت فيها العناصر الثقافيه اليونانيه بعناصر الثقافات الشرقيه ، المزيج ده اتسمى الحضاره أو الثقافه الهيلينستيه.
| ||||
|---|---|---|---|---|
 | ||||
| ثقافه [1][2] | ||||
| جزء من | اليونان القديمه | |||
| بيتكون من | مصر اليونانيه | |||
تعديل  | ||||
بعد ما مات الاسكندر اتقسمت امبراطوريته على تلاته من قواده عملوا تلت ممالك جديده : المملكه البطلميه فى مصر و المملكه السلوقيه فى الشام و مملكة انتيجونوس فى مقدونيا. الممالك التلاته دول شافوا ظهور الحضاره الجديده اللى اتبلورت فى مراكز مهمه زى اسكندريه و جزيرة رودس و انطاكيا. اسكندريه فى مصر كانت اهم مراكز الحضاره الهيلينستيه.
اتأسست مدارس فنيه فى المراكز الهيلينستيه و كان كل مركز ليه سيماته و مميزاته الخاصه بيه مع وجود صلات و سيمات مشتركه كتيره. فى اسكندريه لانها فى دوله عريقه فى الثقافه ، و بسبب الاتصال القديم بين الحضاره المصريه و الحضاره اليونانيه الجو كان مهيأ لتقبل الحضاره اليونانيه و دمجها فى الحضاره المصريه. ازدهرت الحضاره الهيلينستيه لغاية القرن واحد قبل الميلاد.
الهيلينستيه مش الهيلينيه اللى هى حضارة و ثقافة اليونانيين القديمه اللى مهدت لقيام الحضاره الهيلينستيه.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
