مكرونه
From Wikipedia, the free encyclopedia
مكرونه (بالطليانى: pasta يعنى عجينه و maccheroni نوع منها لكن فى جنوب ايطاليا و دول كتيره بيسموها مكرونه) هيا نوع من الاكل بيتعمل من عجينه مش متخمره من دقيق قمح مع ميه و ساعات مع بيض. بيتشكل علا اكتر من شكل, بعد كده بيتطبخ بغليه او بيتخبز.
[1] احيانن بيستخدم دقيق رز او بقوليات زى فول او عتس بدل من دقيق القمح عشان يدى طعم و قوام مختلفين او كبديل خالى من الجلوتين [2][3][4][5] او يعلى نسبة الپروتين.
المكرونه طبق اساسى فى المطبخ الطليانى و بتنقسم المكرونه لفئتين رئيسيتين: عجينه ناشفه (پاستا سيكا) pasta secca و عجينه طازه ( پاستا فريسكا) pasta fresca.[6]
فيه اكتر من 310 شكل معروف للمكرونه بأكتر من 1300 اسم موثق, فى ايطاليا بتختلف اسماء اشكال او انواع المكرونه حسب المنطقه, مثلن المكرونه من كافاتيلى معروفه بـ 28 اسم مختلف حسب المدينه و المنطقه, الاشكال المعروفه من المكرونه هيا الاشكال الطويله و القصيره و المسطحه و المصغره للشوربه و الاشكال المتخصصه للحشو و الاشكال المتخصصه للزخرفه.