![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e2/Protein_mosaic.jpg/640px-Protein_mosaic.jpg&w=640&q=50)
بروتين
From Wikipedia, the free encyclopedia
الپروتين هو مركب عضوى معقد و بيتكون من سلسله من الاحماض الامينيه، موجوده البروتينات فى كل الكائنات الحيه و بتمثل نسبة حوالى 50% من وزنها الجاف (من غير المايه).البروتينات عباره عن پوليمرات (مركبات ضخمه بتتكون من عدد كبير من الوحدات الابسط) من الاحماض الامينيه مترتبه واحد ورا التانى فى سلسله طوليه و بعدين السلسله دى بتلف حوالين نفسها بطريقه محدده و بتدى فى النهايه شكل يشبه الكوره (ثلاثى الابعاد).نوع الاحماض الامينيه و ترتيبها فى السلسله و كمان طريقة لفافانها حوالين نفسها كلها بتتحدد باكواد النيوكليوتيدات اللى فى الجينات.الپروتينات ليها خصوصيه نوعيه: يعنى الپروتين اللى موجود فى نوع من الكائنات الحيه مش ممكن تكون فى اى نوع تانى، و ليها كمان خصوصيه عضويه: يعنى جوه الكائن الحى الواحد الپروتينات بتختلف من عضو للتانى زى پروتينات العضلات بتختلف عن پروتينات الكبد او المخ.
![Thumb image](http://upload.wikimedia.org/wikipedia/commons/thumb/e/e2/Protein_mosaic.jpg/640px-Protein_mosaic.jpg)
فى حوالى 20 نوع من الاحماض الامينيه اللى موجوده فى الطبيعه، النباتات عندها امكانيه لتصنيع كل الاحماض الامينيه بس الحيوانات ما بتقدرش و عشان كدا لازم تاخد بعض الپروتينات (essential amino acids) اللى محتاجاها من مصدر تانى فى التغذيه بتاعتها. من الپروتينات المهمه المشهوره :الانزيمات و بعض الهورومونات و الهيموجلوبين و اپبروتينات البنائيه اللى بتخل فى بناية العضلات بتاعة الكائن الحى.