![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d5/Greenland_467_%252835130903436%2529_%2528cropped%2529.jpg/640px-Greenland_467_%252835130903436%2529_%2528cropped%2529.jpg&w=640&q=50)
كلب
From Wikipedia, the free encyclopedia
الكلب (الاسم العلمى: Canis lupus familiaris[1]) هو حيوان ثديى, من فصيلة الكلبيات, قريب من الذئب و الثعلب.[محتاج مصدر] و الانسان استانس الكلب من وقت طويل, و ليه اكتر من اهميه عند الانسان, ممكن يربيه على انه حيوان اليف بيعيش معاه لحد ممكن فى اودة نومه, و ممكن يستعمله فى الحراسه, او لحد فى الامن و كشف الجرايم لان الكلب عنده حاسة شم قويه. و فيه كلاب ممكن تقوم بدور مرشدين للعمى زى "جولدين تريفر"، او لرعاية الأغنام زى "انجليش شيبدوج (بوب تيل)". الكلاب بتستخدم كمان فى عمليات انقاذ الناس بعد الكوارث الطبيعيه زى الزلازل, و بتكشف عن المتفجرات اللى ممكن الارهابين يدسوها عشان يقتلوا الناس, فبطبيعة الحال الحراميه و الارهابيين بيكرهوا الكلاب.
| ||||
---|---|---|---|---|
![]() | ||||
الاسم العلمى | Canis lupus familiaris ![]() | |||
الاسم العام | (بالانجليزى: Dog) ![]() | |||
رمز يونيكود | 🐕، و🐶 ![]() | |||
![]() ![]() | ||||
تعديل ![]() |
![Thumb image](http://upload.wikimedia.org/wikipedia/commons/thumb/e/e3/Coat_types_3.jpg/640px-Coat_types_3.jpg)
![Thumb image](http://upload.wikimedia.org/wikipedia/commons/thumb/5/5c/NSRW_Dogs_1.jpg/640px-NSRW_Dogs_1.jpg)
نوع الكلب و شكله وحجمه وامكانياته هى اللى بتحدد دوره فى حياة الانسان. زى كلاب الحراسه اللى فى الغالب بتكون كبيره وشرسه, اما الكلاب اللى بيربيها الناس لانهم بيحبوها و بيكونو ساعات اصحابهم وبالذات لان الكلب وفى و مخلص جدا مع صاحبه, بتكون اكتريتها صغيره و اليفه. مع ان الكلب حيوان وفى و جميل
جايز ان الكلب هو اقدم الحيوانات المستأنسه او على الاقل من من اقدمها و رسوماته موجوده فى رسومات المصريين القدام فى العصور الفرعونيه و كان اياميها بيستخدم فى الصيد لكن اكيد مرحلة الاستئناس كانت قبل كده بحوالى الف او الفين سنه و ده لان تطوير الحواس و الغرايز ما بتكونش بتدريب فردى لكن بالوراثه و دى عمليه بتاخد ميات السنين. النهارده ممكن عمل نوع جديد من الكلاب فى فتره اقل من ميت سنه عن طريق البحث العلمى و التدقيق فى الاختيارات لكن فى العصور القديمه الحاجات دى بطبيعة الحال ماكانتش متاحه. الانجليز عملوا الكلب " البول دوج " و ده كلب نظره ضعيف و شمه مش قوى لكن لطيف و آلوف جداً مع ان سنانه جامده و لو هبر فى حاجه بسنانه بيبقى صعب تخليصها منه. و عملوا كمان كلاب رعاية الغنم زى البوب تيل ( اينجليش شيب دوج ) و غيره اللى بيفهوا أوامر الرعاه و بيعملوله شغله فى رعى الغنم ، و كلاب الرعى الانجليزى بتعتبر بوجه عام متفوقه فى شغلها عن كلاب الرعى التانيه اكمن الانجليز عملوا اختيارات احسن فى عملية الخلط.