القوميه العربيه هى مشروع ايديولوجي مبني على مبدأ عروبة شعوب منطقة شمال افريقيا و الشرق الاوسط . العروبه (بالإنجليزي:Pan-Arabism) , كفكره , مبنيه على فرضية ان شعوب العالم العربي هى شعب منحدر من جذور عرقيه واحده , بيتكلم لغه واحده , و له ثقافه واحده , و تراث ديني واحد , و ليه تاريخ و مصير مشترك و من البديهي انه يتوحد فى دوله تاريخيه واحده ممتده من المحيط للخليج . القوميه العربيه بتوظف مبدأ العروبه على مستويين: المستوى الاولاني ثقافي و هو الاعتزاز بالمكون العربي فى ثقافات الشعوب العربيه , و التاني سياسي و هو السعي للوحده السياسه و التكامل الاقتصادي بين الدول العربيه .
خطاب القوميه العربيه عادة بيكون موجه ضد التأثير الغربي على الثقافه و السياسه العربيه , و عادة القوميين العرب بيعتبروا الغرب و الثقافه الغربيه اعداء مباشرين للعرب و العروبه . القوميه العربيه ظهرت بقوه مع سقوط الدوله العثمانيه فى اوائل القرن الـ20 , و انحسرت بعد هزيمة العرب فى حرب 67. من الشخصيات المهمه فى تاريخ القوميه العربيه: المفكر السوري ميشيل عفلق و الرئيس المصري الاسبق جمال عبد الناصر .
معلومات سريعة قوميه عربيه, ايدلوجيا سياسيه ، واشتراكيه عربيه ...