From Wikipedia, the free encyclopedia
حرب 67 (”حرب حزيران“ او ”حرب الايام السته“ او ”النكسه“ او ”نكسة يونيو“)
حرب 67 | |||||||
---|---|---|---|---|---|---|---|
جزء من الصراع العربى الاسرائيلى | |||||||
![]() ![]() | |||||||
|
|||||||
|
|||||||
تعديل ![]() |
كلها اسامى لحرب من 5 يونيو ل10 يونيو 1967 و كانت بين اسرائيل من ناحيه و مصر و سوريا و الاردن و دعم من العراق و بلاد عربيه. فى الحرب دى اتدمر الجيش المصرى و القوات الجويه المصريه و اتقتل الاف الجنود المصريين و استولت اسرائيل على سينا و اقفلت قناة السويس و تدمرت مدن القنال و تهجر ملايين من سكانها لمدن فى عمق مصر. على الجانب العربى وقعت القدس الشرقية و مرتفعات الجولان السوريه فى ايد اسرائيل. بكل المقاييس الحرب كانت كارثه على مصر بشرى و اقتصادى و اجتماعى. الهزيمه الساحقه دى حصلت فى عهد جمال عبد الناصر اللى اتحدى الغرب و اسرائيل و اتسبب فى الحرب بقفله لمضيق تيران المنفذ الوحيد لاسرائيل فى البحر الاحمر
بالنسبه لمصر المؤسسات اللى مسيطره على الحكم فى مصر وقتها ممكن تتقسم لاربع مؤسسات هما.
بالنسبه للاتحاد الاشتراكى, و اللى كان بالفعل هو اللى بيحرك الشارع - الحزب الحاكم فى الدول الشيوعيه و الاشتراكيه بيكون فعليا ليه دور رئيسى جدا فى تحريك الجماهير و بيكون الحزب الحاكم فى الادارات اليساريه هوا بالفعل اهم مؤسسه فى الدوله و الامثله كتير فى الادارات اليساريه زى.
فى 13 مايو 1967 مندوب المخابرات السوفييتيه فى القاهره ، اللى كان بيشتغل ملحق فى السفاره السوفييتيه فى مصر ، بلغ مدير المخابرات المصريه العامه ان فيه 11 لوا اسرائيلى محتشدين على حدود سوريا. عبد الناصر طوالى بعت قوات مصريه على سينا لمساندة سوريا ن وبعت الفريق محمد فوزى على دمشق و اتعملت صور جويه لمنطقة الحدود ، لكن رغم ان الصور مابينتش ان فيه اى حشود اسرائ بعديه على حدود سوريا عبد الناصر طلب تانى يوم من الامم المتحده سحب قوات الطوارئ الدوليه من منطقة الحدود المصريه - الاسرائيليه فى سينا ، و بعدها اعلن اغلاق مضيق تيران فى وجه السفن الاسرائيليه الرايحه و الخارجه من ميناء ايلات. بطبيعة الحال اسرائيل اعتبرت خطوة عبد الناصر الغير مبرره اعلان حرب عليها.
عبد الناصر استمر فى التصعيد و زار قاعده جويه فى منطقة القناه و اعلن انه مصمم على قفل مضيق تيران فى وجه الملاحه الاسرائيليه و منع مرور السلع الاستراتيجيه لاسرائيل فى المضيق و لحد لو كانت محمله على سفن مش اسرائيليه. عبد الناصر عمل مؤتمر صحفى و لما المراسلين الاجانب سالوه هيعمل ايه لو اتدخلت القوى الكبرى زى امريكا و بريطانيا لفتح المضيق رد بان هتواجهم قوه ماعملوهاش حساب.
على يوم 3 يونيه 1967 بقى واضح ان اسرائيل بتجهز نفسها لخوض حرب حيث انها شكلت وزارة حرب برياسة ليفى اشكول و اعلنت التعبئه العامه لكن عبد الناصر كان فاكر ان الموضوع هياخد اسابيع لكن بعد يومين فاسرائيل شنت هجومها الخاطف. فى يوم الاتنين 5 يونيو الساعه سبعه و خمسه و اربعين دقيقه الصبح طارت الطيارات الاسرائيليه على ارتفاع منخفض عشان تهرب من مجال الرادار وهاجمت المطارات الحربيه المصريه و كل المرافق الجويه المصريه و فى ظرف 3 ساعات كانت اسرائيل دمرت 150 طياره مصريه على الارض. فى نفس الوقت شن الجيش الاسرائيلى هجمات على القوات المصريه فى سينا وعلى الضفه الغربيه اللى كانت تابعه للاردن ، و على مرتفعات الجولان السوريه و استولى على غزه اللى كانت تابعه للاداره المصريه وقتها.
بيحكى كمال حسن على اللى كان وقتها قائد اللوا التانى المدرع ان فى يوم 4 يونيه كانت فيه اوامر بعدم فتح نيران على الطيارات فى السما لغاية ما توصل طيارة المشير عبد الحكيم عامر لمطار " التمادا ".
بالهجوم الاسرائيلى الخاطف ارتبكت القياده المصريه و بقت فى حالة شلل لا هى عندها معلومات عن اللى بيحصل فى الجبهه و لا قادره على اصدار توجيهات و قيادة المعركه ، و عشان تخبى الكارثه عن الشعب المصرى فضلت تصدر بيانات كاذبه عن انتصارات وهميه و عن انه تم اسقاط اعداد كبيره من الطيارات الاسرائيليه.
بيحكى عبد اللطيف البغدادى انه هو و حسن ابراهيم راحو مبنى القياده العامه للجيش و قابلو عبد الحكيم عامر و انه اتصل بالتليفون بجمال عبد الناصر و بلغه ان الطيارات الاسرائيليه المهاجمه عددها كبير جداً مابيتناسبش مع عدد الطيارات اللى بتملكها اسرائيل و ان فيه طيارات امريكيه بتهاجم مطار الاقصر و فى اخر المكالمه طلب منه يدور على حل سياسى.
على مغربية تانى يوم ، فى 6 يونيه 1967 ، الموقف كان وصل لهزيمه كبرى حيث ان الطيارات الاسرائيليه كانت بتهاجم المدرعات المصريه المكشوفه و الغير محميه بغطاء جوى فى سينا بكل سهوله و عليه قررت القياده المصريه انسحاب اللى اتبقى من القوات المصريه من سينا لغرب قناة السويس. لكن الانسحاب ماتمش بخطه منظمه فكانت بتصدر اوامر للوحدات المصريه بسيب الاسلحه التقيله و الانسحاب بالليل بالاسلحه الخفيفه بس و محاولة الوصول لغرب القناه قبل مايطلع النهار. بيحكى كمال حسن على ان القياده العامه للقوات المسلحه المصريه اصدرت الصبح امر لكل القوات المصريه بالانسحاب من سينا لغرب القناه فى ظرف 24 ساعه و ده فرح القياده الاسرائيليه فرحه كبيره حيث ان ده كان حجر الزاويه اللى بنت عليه خطتها ، و ان الحسابات البسيطه كانت بتوضح استحالة تنفيذ الامر ده.
احتلت اسرائيل سينا و الضفه الغربيه بما فيها القدس الشرقيه و هضبة الجولان السوريه و فى يوم 8 يونيو صدر قرار من الامم المتحده بوقف اطلاق النار.
حصل بعد الحرب ان بانت درجة الفوضى و اللخبطه السياسيه اللى كانت عايشه فيها مصر وقتها بالرغم من البروباجاندا بتاعة الاعلام الرسمى اللى كانت بيروج للعكس. لما قامت حرب 67 كان جزء كبير من الجيش المصرى موجود فى اليمن و بعد الحرب تم استرجاعها لمصر.
عبد اللطيف البغدادى و كمال الدين حسين وصفو مشاعرهم بقولهم : " فضلنا نرجع بذاكرتنا عن اللى كان بيحصل فى الجيش و ازاى كان اسلوب الحكم ، و دى كانت نهاية كل نظام زى النظام ده ، و مقامرة جمال عبد الناصر بمستقبل امه باكملها فى سبيل مجده الشخصى. كنا عارف على ايد كده انه بيقامر و كنا مندهشين من تصرفه ، فهو كان مقدر انه هيحقق انتصار يرفعه للسما من غير ما يخسر حاجه. فجت النهايه ، نهاية نظامه ، و خزى و عار على الامه .. ".
كان لحرب 67 نتايج كتيره جدا سواء عسكريه او سياسيه.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.