![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a2/Cafe_Riche.jpg/640px-Cafe_Riche.jpg&w=640&q=50)
قهوة ريش
From Wikipedia, the free encyclopedia
قهوة ريش ديه قهوة اتاسست فى سنة 1908 فى وسط القاهرة و بتعتبر اكبر تجمع مثقفين و سياسيين فى المنطقة. القهوه مكانها قريب من ميدان طلعت حرب.
![Thumb image](http://upload.wikimedia.org/wikipedia/commons/thumb/a/a2/Cafe_Riche.jpg/640px-Cafe_Riche.jpg)
القهوة اسسها واحد الماني،و باعها فى سنة 1914 لهنري بير اللى كان من الرعايا الفرنسيين اللى اداها اسم "ريش" عشان يكون الاسم شبه اسامى اشهر قهاوى باريس اللى بتتسمى "كافيه ريش".
قبل نهاية الحرب العالمية الأولى, تاجر يونانى مشهور اسمه "ميشيل بوليدس" اشترا القهوه من صاحبها الفرنساوي، ووسعها وصلحها.
دلوقتى مجدى ميخائيل بيملك القهوة ، وهوا اول مالك مصرى ليها.
القهوة ديه ملتقى الادبا والمثقفين زى اديب جايزة نوبل نجيب محفوظ، ويوسف ادريس ، وأمل دنقل ، ويحيى الطاهر عبد الله، وصلاح جاهين، وثروت أباظة، ونجيب سرور، وكمال الملاخ، وغيرهم من اللى كانو بيحرصوا انهم يحضروا النداوت الاسبوعيه بتاعة نجيب محفوظ اللى كان بيعملها من سنة 1963 كل يوم جمعه.
حسب كلام عبد الرحمن الرافعى فى كتابُه تاريخ مصر القومي فى الفتره من 1914 لغاية 1921 قهوة ريش كانت المكان اللى بيقعدوا فيه الأفنديه من الطبقة الوسطى، كمان اتعرفت كمقر بيجتمع فيه دعاة الثورة والمتحدثون عنها او عن البلاد ككل.
القهوة كان ليها دور كبير فى ثورة سنة 1919، ده حتي فى ناس بتقول أن صاحب القهوة فى الوقت ده كان عضو فى واحد من أهم التنظيمات السرية، مكان اتلقت الة طبع منشورات بعد 80 سنة من ثورة 1919. وفي 1972، ثورة الادبا انطلقت منها إحتجاجاً على اغتيال الروائي الفلسطيني غسان كنعانى.
و فى بهو القهوة فرقة الفنان قدمت عزيز عيد المسرحية فصول من مسرحياته اللى كانت الفنانه روز اليوسف بطلتها، بشوية المونولوجات، من الفنان محمد عبد القدوس، ابو الاديب احسان عبد القدوس
دلوقتى اشهر رواد قهوة ريش: هما الشاعر احمد فؤاد نجم، والروائي جمال الغيطانى ، والالماني, فولكهارد فيندفور مراسل جورنال ديرشبيجل
ويعتبر مقهى ريش من أبرز المنتديات الثقافية والفكرية فى مصر، حيث شهد ندوات كبار المفكرين والكتاب والأدباء، مثل نجيب محفوظ والعقاد وأمل دنقل.
وبخلاف الدور الثقافي، هناك دور آخر وطني لمقهى ريش ابتدا مع ثورة 1919 مع طباعة المنشورات ضد الاحتلال الإنجليزي.
وتكرر ده المشهد فى أحداث ثورة يناير 2011، ليتحول المقهى وقتها ل خلية نحل للثوار اللى اتخذوه قاعدة للتحرك، وملاذا آمنا للاختباء عن أعين البوليس.
وبعد الإطاحة بالرئيس السابق مبارك ونجاح الثورة، استرد مقهى ريش عرشه الثقافي والوطني باعتباره الذاكرة الوطنية المصرية.