From Wikipedia, the free encyclopedia
الملك عبد الله الاول بن حسين (2 فبراير 1882 - 20 يوليه 1951) مؤسس المملكة الاردنية الهاشمية و أول ملك ليها ، و هو ابن الحسين بن على شريف مكه مؤسس مملكة الحجاز وكمان هو ابو الملك طلال بن عبد الله تانى ملوك الاردن .
| |||||||
---|---|---|---|---|---|---|---|
![]() | |||||||
معلومات شخصيه | |||||||
الميلاد | 2 فبراير 1882 | ||||||
الوفاة | 20 يوليه 1951 (69 سنة)[1][2][3][4] | ||||||
مواطنه | ![]() ![]() ![]() | ||||||
ابناء | طلال بن عبد الله ، ونايف بن عبد الله الاول | ||||||
الاب | الحسين بن على شريف مكه | ||||||
اخوه و اخوات | |||||||
مناصب | |||||||
![]() | |||||||
في المنصب 25 مايو 1946 – 20 يوليه 1951 | |||||||
|
|||||||
معلومات تانيه | |||||||
المهنه | عاهل | ||||||
اللغات المحكيه او المكتوبه | عربى | ||||||
الخدمة العسكرية | |||||||
الرتبة | مشير (رتبه عسكريه) | ||||||
الجوايز | |||||||
![]() ![]() | |||||||
تعديل مصدري - تعديل ![]() |
اتولد عبد الله الاول بن حسين بوم 2 فبراير 1882 فى مكه .
فى سنة 1920 سافر عبد الله الاول بن حسين لسوريا على راس جيش كبير علشان يحارب القوات الفرنسية اللى طردت أخوه فيوصل الاول بن حسين من هناك ، لكن القوات البريطانية قدرت توقفه عند فلسطين . وهناك عرض عليه وزير المستعمرات البريطانى فى الوقت ده وينستون تشرشيل أنه يأسس إمارة ليه فى منطقة شرق نهر الاردن ، وفعلا وصل فى نفس السنة لمدينة معان و نشر جنوده مع أعوانه البريطانيين هناك ، وفى سنة 1921 وصل لمدينة عمان وهناك وفى الفترة بين 28 و 30 مارس 1921 اسس إمارة شرق الأردن واتشكلت اول حكومة مركزية ليها يوم 11 ابريل 1921 برياسة رشيد طليع .
حاول عبد الله الاول بن الحسين أنه يعمل إصلاحات فى إمارة شرق الأردن فأصدر القانون الأساسى ليها وبعدين عمل الانتخابات التشريعية سنة 1927 وعمل إصلاحات فى الصحة والتعليم والتجارة والزراعة .
فى سنة 1946 حصلت إمارة شرق الأردن على استقلالها من المملكه المتحده ونتيجة كده اتغير اسمها للمملكة الاردنية الهاشمية ، و بقا عبد الله الاول بن الحسين هو اول ملك ليها .
فى سنة 1948 و بعد صدور قرار الامم المتحده بتقسيم فلسطين بين العرب و اليهود حاول الملك عبد الله الاول بن الحسين أنه حل النزاع بشكل سلمى و أنه يقنع العرب بقبول قرار التقسيم ، و أكتر من كده أنه صرح لجولدا مائير ممثلة الوكالة اليهودية وقتها أنه عايز يضم الضفة الغربية لالاردن رغم أنها من حق عرب فلسطين طبقا لقرار التقسيم وكمان قال ليها أنه ناوى يعمل علاقات سلام وصداقة مع دولة اسرائيل .
لكن بعد قيام دولة اسرائيل فى يوم 15 مايو 1948 قررت جامعة الدول العربيه دخول جيوش دول مصر و الاردن و العراق و سوريا و لبنان للأراضى الفلسطينية وتحريرها من اسرائيل ، وتم اختيار الملك عبد الله الاول بن الحسين قائد لكل الجيوش العربية اللى دخلت حرب 48 . و كان اول قرار أخده الملك عبد الله الاول بن الحسين بالصفة دى هو حل (جيش الانقاذ) اللى كانت جامعة الدول العربيه قررت قبل كده أنه يدخل فلسطين تحت قيادة الظابط السورى فوزى القاوقجى و كمان حل (منظمة الجهاد المقدس) اللى كان اسسها الحاج محمد امين الحسينى من الشباب الفلسطينيين للمقاومة الشعبية ، بحجة أنه مش هايحصل تنسيق إذا كان فيه أطراف غير الجيوش النظامية العربية . وفى حرب 48 أصدر الملك عبد الله الاول بن الحسين أوامره للجيش الاردنى بقيادة الجنرال البريطانى غلوب باشا بأن دخوله ارض فلسطين يكون بس علشان ضم الضفة الغربية لالاردن وشدد عليه بعدم محاربة اليهود ومنع دخوله أى أراضى مخصصة ليهم حسب قرار التقسيم .
فى يوم الجمعة 20 يوليه 1951 كان الملك عبد الله الاول بن الحسين رايح يأدى صلاة الجمعه فى الجامع الاقصى فى مدينة القدس فى فلسطين و كان معاه حفيده الحسين بن طلال ، وقبل مايوصل هناك كان فى انتظاره ترزى فلسطينى اسمه مصطفى شكرى عشى وضرب عليه تلات رصاصات استقروا فى راسه وصدره ومات فى الحال ، اما حفيده الحسين بن طلال نجا من الموت بأعجوبة علشان هو كمان اتضربت عليه رصاصة لكن اتخبطت فى ميدالية كان جده امره أنه يلبسها قبل خروجهم مع بعض .
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.