![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/53/Thomas_Woodrow_Wilson%252C_Harris_%2526_Ewing_bw_photo_portrait%252C_1919.jpg/640px-Thomas_Woodrow_Wilson%252C_Harris_%2526_Ewing_bw_photo_portrait%252C_1919.jpg&w=640&q=50)
شروط ويلسون للانسان المتحضر
From Wikipedia, the free encyclopedia
شروط ويلسون للانسان المتحضر هى اربع شروط حددها توماس وودرو ويلسون Thomas Woodrow Wilson (عاش: 1856-1924) رئيس الولايات المتحده الامريكيه الثامن و العشرين للانسان المتحضر او المستنير او المثقف. الرئيس ويلسون بيعتبر أكتر مثقف و متعلم من كل رؤسا امريكا ، و كان زعيم الحركه التقدميه Progressive Movement ، و كان من اكبر انصار الديموقراطيه فى العالم ، و هو الرئيس الامريكى الوحيد اللى اخد شهادة الدكتوراة و اخدها فى التاريخ والعلوم السياسيه من جامعة جونس هوبكينز Johns Hopkins University و بقا رئيس لجامعة برينستون Princeton University من سنة 1902 لسنة 1924. الرئيس ويلسون ايضاً هو صاحب فكرة تأسيس عصبة الأمم و صاحب المبادئ او النقط الاربعة عشر التى من ضمنها حق الشعوب فى الإستقلال و تحديد مصيرها بنفسها و هى نقط قدمها فى مؤتمر الصلح فى فرنسا سنة 1919 بعد الحرب العالميه الأولى و كان اول رئيس أمريكى يسافر بره امريكا و هو رئيس ، و اخد جايزة نوبل للسلام سنة 1919.
![Thumb image](http://upload.wikimedia.org/wikipedia/commons/thumb/5/53/Thomas_Woodrow_Wilson%2C_Harris_%26_Ewing_bw_photo_portrait%2C_1919.jpg/640px-Thomas_Woodrow_Wilson%2C_Harris_%26_Ewing_bw_photo_portrait%2C_1919.jpg)
الرئيس ويلسون حدد اربع نقط رئيسيه لازم يتحلى بيها الانسان المتحضر او المستنير و هى :
- أنه يعرف تاريخ العالم من بداية الكون و نشأة الحضارات الى الان.
- أنه يعرف تاريخ الافكار السائده اللى يتماشى عصرنا على مبادئها.
- أنه يعرف علم من العلوم بمعنى علم Science فى اللغات الأوروبيه.
- أنه يعرف لغه كويس ، ومن الافضل ان تكون اللغة اللغة الام اللى نشأ عليها.