From Wikipedia, the free encyclopedia
الثعلب او التعلب هوا اى فصيله من فصايل الكلبيات القارته (يعنى اللى بتاكل اللحوم و النباتات) صغيره الحجم, و عددها 27 نوع.[1][2][3]
| ||||
---|---|---|---|---|
صنف فرعى من | كلبيه (اسره) | |||
التصنيف العلمى | ||||
حقيقيات النوى | ||||
الحيوانات | ||||
الحبليات | ||||
الثدييات | ||||
آكلات اللحوم | ||||
الكلبيّات | ||||
تعديل ![]() |
الناس بتقصد بـ كلمه تعلب فى الاغلب التعلب الاحمر, بما انه اكتر الانواع الموجوده فى النص الغربى من العالم (الامريكتين) مع ان فصايل التعالب المختلفه موجوده فى كل القارات تقريبا.
و عشان فصايل التعالب موجوده فى كل القارات ده خلاها ظاهره فى كتير من الثقافات و التراث الشعبى لامم و قبايل كتير. يطلق على الثعلب الدكر اسم تعلب و النتايه تعلبه.
بتعيش معظم التعالب حوالى سنتين او تلاته فى البريه, بس ممكن تعيش لـ 10 سنين او اكتر فى الاسر او القطيع. حجمها تقريبا نفس حجم القطط و بتعتبر التعالب اصغر فصيله من فصايل الكلبيات, و من صفات شكل التعلب الميمزه هيا المناخير الرفيعه و الديل الكثيف, و فى صفات تانيه بتختلف على حسب البيئه او المكان اللى بيعيش فيه الفصيله عندك مثلا تعلب الفنك عنده ودان كبيره و فرو قصير اما التعلب القطبى ودانه قصيره و فروه سميك.
التعالب حيوانات متوحده عكس كتير من الكلبيات, و هيا حيوانات مفترسه متنوعه فى الاكل ممكن تاكل قوارض او فاكهه. بتعتبر التعالب حيوانات حذره و مبتقربش من البشر فى الاغلب, متعتبرش حيوانات اليفه للبيت مع ان التعلب الفضى اتدرب عشان يكون حيوان منزلى بنجاح فى روسيا بعد 45 سنه من التزاوج الانتقائى.
بتنتمى فصائل الثعالب للاجناس التاليه:
الجنس | النوع | الصوره |
---|---|---|
كلب | ذئب حبشى, sometimes called the Simien fox or Simien jackal | ![]() |
ثعلب السافانا | Crab-eating fox | ![]() |
† Dusicyon | انقراض جنس, including the ذئب جزر فوكلاند, sometimes known as the Falklands Islands fox | ![]() |
ليكالوبيكس |
|
|
ثعلب خفاشى الاذنين | Bat-eared fox | ![]() |
ثعالب ثخينه الذيل |
|
![]() |
ثعلبيات | ![]() |
مش من عوايد التعالب انها تتجمع عشان تطلع اصوات بشكل جماعى زى ما بتعمل الذئاب, بس بتتواصل مع بعضها باستعمال انماط مختلفه من الاصوات:
النباح هو اكتر انواع الاصوات المالوفه و هو يتالف فى الاغلب من 3 الى 5 مقاطع. بتتواصل التعالب مع بعضها بالاسلوب دا لما تكون بعيده عن بعضها, و بتقل حده الصوت كل ما قربت من بعضها, و بتكلم التعالب صغارها باقل نبره من نفس الصوت.
بيتالف الصوت دا من مقطع واحد بس, و بيستعمله تعلب بالغ لانذار صغاره من الخطر. الصوت ده شبه النباح الحاد من مسافه بعيده, اما عن مسافه قريبه فهو شبه الكحه المكبوته.
عباره عن صفه حركيه بتعملها التعالب فى فصل التزواج بين فتره الربيع و بعد الخريف فى الجو الدافى.
العويل هو صوت حاد بيتالف من مقطع واحد بس ويصدر فى موسم التزاوج فى الاغلب, و الناس فاكره ان الانثى بتصدره عشان تقرب الذكور ليها لما تكون فى الدوره النزويه, و لكن خلاف الراى السائد عشان الذكور بتصدر نفس الصوت كمان اللى بيخدمها فى حاجه معينه يمكن.
ظهر فى واحده من تقارير شبكة «بى بى سي» فى 5 اكتوبر 2006 ان التعالب المستانسه بتخرخر لما تدلل او تدلع.
بتعتبر التعالب حيوانات ضاره فى شويه دول زى استراليا, اللى دخلتها مجموعات من التعالب الحمرا و فضلت تصيد الطرائد البلديه الاستراليه اللى مقدرتش تتاقلم مع الوضع الجديد فخلى كتير منها ينقراض و بقت الناس تصنيف التعالب كآفات بريه, و من جهه ثانيه ف كتير من فصايل التعالب مهدده بالانقراض. و نقدر نستخدم التعالب كحيوان مساعد للفلاح عشان يخلص من الآفات الزراعيه, و نجحت التجربه دى فى مزارع الفاكهه بشكل خاص.
و بيقول المؤرخين ان ادخال التعالب لبيئات غريبه عليها مش من ايام العصور الاستعماريه ده من زمان اوى, و بيظهر ان اقدم حاله بترجع للعصر الحجرى الحديث فى قبرص, كمان تمت ملاحظه نقوش حجريه بتمثل التعالب فى مستعمره بتعود للعصر الحجرى الحديث فى شرق تركيا.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.