Remove ads
النوع بالانجليزى: Species فى علم الاحياء هوا واحد من وحدات التصنيف الحيوى الاساسيه, و هوا مرتبه تصنيفيه اساسيه فى علم التصنيف. فى الغالب بيعرف النوع انه مجموعه من الكائنات الحيه القادره على التزاوج و انتاج نسل خصب. و مع ان التعريف داه كافى فى كتير من الحالات, بس فيه صعوبه فى تعريف مفهوم النوع, و دا معروف بمشكلة النوع, بتستخدم تدابير تانيه مختلفه لتعريفه, زى تشابه الدنا, المورفولوجيا, او الخانه البيئيه ecological niche. وجود سمات تكيفيه مختصه بالبيئه المحليه ممكن يأدى لتقسيم النوع لاصنوفات تحت مستوى النوع, زى النويع (او الاصنوفات التانيه اللى بتستعمل فى علم النبات زى الضروب او الضريبات او الاشكال الخاصه).
الانواع المنتميه لنفس الاسلاف بتتصنف فى جنس واحد, و بيتم بالاستناد الى التشابهات بينها. تحديد مدى التشابه يقوم على مقارنه الخصائص الفيزيائيه لما تكون متاحه, و بالاخص تسلسلات الدنا. كل الانواع بتاخد تسميات ثنائيه -اسم مكون من كلمتين. بتحدد الكلمه الاولى اسم الجنس اللى بينتمى ليه النوع, و الكلمه التانيه بتحدد الاسم النوعى, او الاسم النباتى (بيستخدم فى علم النبات). التسميه الثنائيه الرسميه بتستخدم الصياغه النحويه اللاتينيه,و ممكن تكون مبنيه على كلمات من لغات تانيه, مثلا, الانسان العاقل Homo sapiens هوا واحد من الانواع اللى بتنتمى لجنس الهومو Homo,[4][5] التسميات الثنائيه بتتكتب بخط مايل.
من الضرورى توفر تعريف فعال لمفهوم النوع و وسائط لتحديد الانواع و التعرف عليها لوضع فرضيات حيويه و اختبارها, و لقياس التنوع الحيوى. و ممكن تستعمل مستويات تصنيفيه تانيه فى دراسات اوسع, زى الفصيلات.[6] فى العاده صعب تحديد رتب تصنيفيه دقيقه للانواع المنقرضه اللى تم التعرف عليها بس من السجلات الاحفوريه. و عشان كدا غالبا بتستعمل مستويات تصنيفيه اعلى فى الدراسات المبنيه على الاحافير.[6][7]
العدد الكلى للانواع غير البكتيريه فى العالم حوالى 8.7 مليون.[8] و التقدريات قبل كداه كانت بين مليونين لمية مليون.[9]
Remove ads
بيعتمد على اسس كتيره للتصنيف للربط بين الكائنات المختلفه فى سلم تصنيفى واحد, و من الاسس:
- التشريح المقارن
من فى دراسه التركيب التشريحى لمجموعات مختلفه من الكائنات الحيه و التوصل لادله كتيره على تشابه او تقارب الكائنات اللى بتنتمى للمجموعات
- التراكيب متشابهه النسق: زى الزوائد او اطراف بعض الحيوانات المبنيه على اساس تشريحى واحد رغم اختلاف شكلها العام او وظايفها
- التراكيب الاثريه:
تراكيب ضمرت, او تراكيب مش معروفه الفائده, رغم انها ناميه زى الزائده الدوديه, و عضلات الاذن.
- الكيمياء الحيويه
بدراسه التفاعلات الكيميائيه اللى بتحصل فى الكائنات الحيه ممكن التوصل للاصول المشتركه بين الكائنات الحيه و تحديد مدى التقارب بينها, التفاعلات بتتضمن: تفاعلات عمليه الايض, الانزيمات, الهرمونات, مركبات التوافق النسيجى.
- علم الوراثه
من فى دراسه عدد الكروموسومات, و الخرايط الجينيه, و التحليل الكيميائى للدنا, ممكن التعرف على مدى التقارب بين الكائنات الحيه.
- طرق التكاثر
واحد من اهم اساسيات التصنيف بشكل عام, بيتم دراسه طريقه التكاثر (بويضه - ولوده), و نوع التلقيح (داخلى - خارجى), و نوع الاخصاب و ميكانيكيه حدوث التكاثر.
- طرق الاغتذاء
مش ممكن يتم تصنيف الكائنات الحيه بدون ذكر طريقة التغذيه, التقسيم الاساسى للتغذيه بيكون: ذاتيه التغذيه - غير ذاتيه التغذيه. و كمان ذاتيه التغذيه بتتقسم الى (حره المعيشه - متطفله - مترممه). و بتتقسم كمان حرة المعيشه الى (لاحمه - نباتيه - قارته).
- علم الاحافير
ممكن تصنيف الكائنات القديمه زى الدينصورات و التعرف على اصولها عن طريق علم الاحافير و التعرف على التركيب الاساسى ليها و القوالب المتكونه عنها.
- علم الاجنه المقارن
ممكن من فى مراحل تكون الجنين معرفه التشابه و الاختلاف بين الكائنات الحيه من فى التعرف على التغييرات فى مرحله البلاستيوله و طول مرحله الحمل.
Remove ads
علما الاحياء و علما التصنيف عملو محاولات لتحديد الانواع, من علم التشكل و علم الوراثه, ما كانش عند علما التصنيف الاوائل زى لينيوس خيار غير وصف اللى شافوه: و خد الطابع الرسمى على دا بعدين كمفهوم الانواع النموذجيه او الشكليه, اكد ارنست ماير على اهميه مفهوم العزله الانجابيه بس كان (زى المفاهيم التانيه عن الانواع) صعب او لحد من المستحيل اختباره.[10][11][12]
حاول علما الاحياء بعدين تحسين تعريف ماير من فى مفاهيم التعرف على الانواع و اتصالها و الامور التانيه.[13]
بتتداخل و تتشابه كتير من المفاهيم التانيه عشان كده مش من السهل حسابها: سجل عالم الاحياء مايدن حوالى 24 مفهوم,[10] و احصى فيلسوف العلوم جون ويلكينز 26.
Remove ads
اقترح ارنست ماير مفهوم الانواع البيولوجيه عن العزله الانجابيه المستخدم على نطاق واسع سنه 1942.
تستخدم معظم الكتب المدرسيه الحديثه تعريف ارنست ماير لسنه 1942[14][15] والمعروف باسم مفهوم الانواع البيولوجيه كاساس للنقاش حول تعريف الانواع. ويسمى كمان مفهوم الانجاب او العزله. ويعرف النوع بانه:[16]
مجموعات من الكائنات الطبيعيه اللى من المحتمل ان تتكاثر, وهى معزوله تكاثريا عن الجماعات الاخرى.[17]
و اتقال ان ده التعريف هو نتيجه طبيعيه لتاثير التكاثر الجنسى على طرق الانتقاء الطبيعى.[18][19][20][21] كان استخدام ماير لكلمه «من المحتمل» موضع نقاش, تستثنى بعض التفسيرات التزاوج غير الاعتيادى او الاصطناعى اللى يحدث بس فى حالات الاسر, او يشمل حيوانات قادره على التزاوج لكن لا تفعل ذلك.[17]
Remove ads
صعب تحديد الانواع بطريقه قابله للتطبيق على كل الكائنات الحيه.[22] اسم النقاش حولين تحديد الانواع مشكلة الانواع.[17][23][24][25] تم التعرف على المشكله من سنة 1859 لما كتب داروين فى كتابه (اصل الانواع):
مافيش تعريف واحد ييرضى كل علما الطبيعه, و رغم ده كل عالم طبيعه بيعرف ضمنا اللى بيعنيه لما يكلم عن نوع, بيشمل المصطلح بشكل عام العنصر المش معروف لفعل الخلق المتميز.[26]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads