المواضيع الاساسيه عن مصر
From Wikipedia, the free encyclopedia
From Wikipedia, the free encyclopedia
مصر (الاسم الرسمى للدوله الحاليه هو جمهورية مصر العربيه). من سنة 1971, بلد موجوده فى شمال شرق قارة افريقيا و جنوب البحر المتوسط. مصر عدد سكانها من اكبر تعدادات سكان الدول فى افريقيا, و حسب اخر التقديرات, عدد سكان مصر يزيد عن 90 مليون انسان, و ترتيبها بييجى نمره اربعتاشر على مستوى العالم حسب عدد السكان, بيعيش اغلبهم على ضفاف النيل اللى مساحة الوادى بتاعه حوالى 40,000 كيلو متر مربع. الصحرا بتشكل أغلب مساحتها و هى مش معموره. معظم السكان فى مصر (حوالى نصهم) دلوقتى من الحضر بيعيشو فى مدن, ربعهم فى مدينة القاهره, اكبر مدينه فى افريقيا و الشرق الوسطانى و كمان فيه نسبه كبيره فى مدينة اسكندريه و فى الدلتا. مصر ليها شهره عالميه بسبب تاريخها من ايام الحضاره المصريه القديمه اللى سابوا لمصر و للعالم اروع الاثار زى اهرامات الجيزه و ابو الهول و معبد الكرنك و وادى الملوك فى مدينة الاقصر. مصر كمان ليها دور مهم جداً فى الشرق الوسطانى و خصوصا على المستوى الثقافى و السياسى.
معظم مساحة مصر تعتبر فى قارة افريقيا معدا جزء صغير فى قارة اسيا اللى هو شبه جزيرة سينا. مصر عندها حدود مع السودان من الجنوب و من الغرب مع ليبيا و فى شمال شرق مع دولة فلسطين و فى الشرق البحر الاحمر اللى بيفصلهم عن السعوديه و الاردن و فى الشمال فيه البحر المتوسط.
تاريخ مصر هو أطول تاريخ مستمر ، بتاع دولة موحدة ، أطول من أطول تاريخ أى بلد تانى فى العالم, التاريخ المتسجل بيبتدى من سنة 3200 ق.م لحد دلوقتى
الجيش المصرى فى معظم فترات التاريخ هو اقوى و اعرق جيش فى جنوب البحر المتوسط. من بدايات الحضاره المصريه و الجيش المصرى بيلعب دور كبير فى الدفاع عن الحضاره المصريه ضد الغزاه. على مر العصور قدم الفكر العسكرى المصرى ارقى مفاهيم و تقاليد الجنديه و خاض الجيش المصرى معارك كبيره ضد جيوش ضخمه هاجمت مصر او جهزت لمهاجمتها. من المعارك الكبيره الخالده اللى خاضها الجيش المصرى كانت معركة قادش فى عهد الملك رمسيس التانى ضد الحيثيين و معركة مجيدو فى عهد تحتمس التالت ، و فى العصور الوسطى معارك حطين و عين جالوت و المنصوره و فتح عكا و مرج الصفر و غيرها ضد المغول و الصليبيين اللى كانت معارك ضخمه بين اقوى جيوش العالم فى زمنها ، و اللى نتايجها كانت تاريخيه و غيرت مجرى التاريخ. فى العصر البطلمى الجيش المصرى كان أقوى جيش فى العالم ، و الاسطول البحرى المصرى كان سيد البحر المتوسط من غير منازع [1]. لغاية النهارده الجيش المصرى بيعتبر من اقوى جيوش العالم عدد و عده.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
