Xenegugeli

Xenegugeli heisst ds Fabelwäse us em Tier-ABC vom Roland Zoss, wos als Bilderbuech, Tonalbum und als App ABC Dino git.

I der Schwyz isch es ds einzige moderne Mundart-ABC i dere Form. Es biblio- und audiophils Wärch für chlyni Chind mit Bilder und Musig vo A bis Z. Erschine ischs z Bärn 1999 und i füfter Uflag 2010. Dermit het der Roland Zoss syni Karriere als Pionier im Bärndütsche Chinderlied gstartet. Im Johr 2012 sy 26 nöiji Tierlieder erschine under em Name Xenegugeli Gold-ABC. Und im 2014 s ABC DINO App mit animierte Tierzeichnige und Lieduszüg für iPhone u iPad-Tafele.^[1] Das gits uf Dütsch, Französisch, Änglisch u Spanisch - und uf Alemannisch.

Am Xenegugeli hei verschideni bedütendi Musiker musikalisch mitgschaffet. Der Mario Capitanio, der Julian Sartorius, d Bärner Rocker Christoph Kohli und der Stefan W. Müller, zwe Mitbegründer vom Mundartrock mit SPAN. Und der Holger Schöpflin het 44 Tier-Bilder mit Farbstifte zeichnet. I de frömdsprachige Versione isch ds ABC Dino Xenegugeli vom argentinische Sänger Mauro Guiretti und der kanadische Chinderlieder-Sängere Claire de Lune gsunge worde. Die 4 Lieder-Albe gits als Download uf iTunes. A vilne Schwiizer Schuele wird ds ABC sit Jahre gsunge. Neu gits e französeschi Version. Mit dere cha me zwüsche Mundart-Dütsch-Französisch parallel die 26 ABC-Tierlieder lose und singe. Es eimaligs Produkt, für de Chind der Ystig i ne anderi Sprach emotional liebevoll necher zbringe.

Es git es Folgealbum mit wytere 25 Tier und 40 Musiker us der ganze Wält. Das Wältchinderalbum unterm Patronat vo UNESCO Schweiz heisst Muku-Tiki-Mu: Multikulturelle Tier- und Kinder-Musig. Ds Xenegugeli-Album wird a vilne Schuele uf de Understufe verwändet o in Süddütschland. Im Usland isch es bekannt worde als ABC Dino uf iPads. Es hilft Chind us frömde Kulture mit Pfiff und Pep i d Mundart und vertritt d Bärner Mundart uf em Wältmusiklabel Putumayo z Nöi-York.

S Tier-ABC

1. Adler
2. Bär
3. Chamäleon
4. Delfin
5. Elefant
6. Fisch
7. Gänsli
8. Hund
9. Igel
10. Jaguar
11. Krokodil
12. Löi
13. Mammut
14. Nilpferd
15. Orang-Utan
16. Pinguin
17. Qualle
18. Ross
19. Schildchrott
20. Seehund
21. Stier
22. Tiger
23. Uhu
24. Vogel
25. Wurm
26. Xenegugeli
27. Yeti
28. Zebra

S Xenegugeli Gold-ABC

1) Ameisi 2) Bussi 3) Chue 4) Daggeli 5) Elstere 6) Frösch 7) Gugger 8) Hyäne 9) Ibis 10) Jabiru 11) Kolibri 12) Leguan 13) Meersöili 14) Nasebär 15) Otter 16) Pelikan 17) Quagga 18) Rab 19) Spinneli 20) Tintefisch 21) Urochs 22) Vipere 23) Wärzesöili 24) Xenegugeli 25) Ysbär 26) Zitteraal

Literatur

• Roland Zoss: Xenegugeli: Tier-ABC. Sound-Service-Verlag, Bern 1999, ISBN 3-908250-32-3 (Buch), ISBN 3-908250-33-1 (CD), ISBN 3-908250-34-X (Audiocassette).

Weblink

• Buechbschriibig uf www.rolandzoss.com

Fuessnote

1. App, ill. Bilderbuch, Songalben «ABC XENEGUGELI» Internationales Tier-ABC von Roland Zoss