From Wikipedia, the free encyclopedia
Wurschtsalòt isch èn suèr agmachtè Salòt mit Essig, Öl un Zibèlè, wo hauptsächlich us Wurscht bschtòt, sèll isch meischtens Brüèwurscht wiè Lyoner, Stadtwurscht odder Regènsburger Wurscht. S isch è traditionelli Zwüschèmaalzit z Süddütschland, im Elsass, dè Dütschschwiz un z Öschterrych.
Lut èm Dütschè Läbbensmittelbuèch, Leitsätz für Feinkoschtsalòt, isch s Uusgangsmatriaal gschnitteni Wurscht, au in Vomischung vo voschidenè Wurschtsortè unterènand, Gurkè un/odder Zibbèlè sowiè andrè würzigè Zuètatè[1].
Für s Richtè wörd d Wurscht in dünni Schiibè odder Streifè gschnittè un mit rohè Zwibbelring odder -würfel kurz in èrè eifachè, lycht mit Salz un Pfeffer gwürztè Essig-Öl-Marinadè yglait. Hüfigi Ergänzungè sin chly gschnitteni Radièsli, Peterle odder Schnittlauch. Servyrt wörd dè Wurschtsalòt übblicherwys mit Brot odder Brõthärdöpfel, i dè Gegènd um d Kurpfalz au mit Pommfrits.
Dè Strõßburger odder Elsässer Wurschtsalòt, dè ußerhalb vo dè Schwiz au Schwizer Wurschtsalòt benamst wörd, bschtòt us Lyoner un Chäs, deilwys au us Ämmèdaler-Chäs.
Dié schwôbischi Variation wörd halber mit Lyoner un Bluètwurscht gmacht.
Dè sognannte Gränzgänger isch è obberschwôbischi Kombination vom Schwôbischè un Elsässischè, also Wurschtsalòt mit Lyoner, Bluètwurscht un Chäs.
Dè originale schwizer Wurschtsalòt wörd mit Servelè statt Lyoner gmacht. D Servelè wörd meischtens dè Längi nõch gvirtelt oder halbyrt un denn in öppè 5 mm breiti Streifli gschnittè.
Dè öschtrycher Wurschtsalòt wörd us Knackwurscht odder Extrawurscht zuèbereitet, sèlli Wurscht wörd au Suuri Wurscht un Essigwurscht dauft.
Vowandti Gricht sin Ochsèmuulsalòt, Nürnbärcher Gwerch un Fleischsalòt.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.