Wolfgang Leppert
From Wikipedia, the free encyclopedia
From Wikipedia, the free encyclopedia
De Wolfgang Leppert (* 18. Dezember 1924; † 25. Juli 2015 z Friburg) isch e ditsche Radiomoderator un Schauspiiler gsi.
De Leppert het glii noch em Krieg ab 1946 bim Sidweschtfunk as freie Mitarbaiter im Studio Friburg gschafft. Anne 1949 het er e feschte Verdrag kriegt un isch deno bis zue sinre Pensionierig anne 1987 Redakteur bim SWF gsii.
Sii markanti Stimm isch bekannt gsii us Radiosendige wie „Mobile“, „Morgenradio“, „Geschichten die das Leben schreibt“, „Morgenläuten“, „Hafenkonzert“, „Gruß vom Bodensee“, „Treffpunkt“, vor allem aber us dr Morgesendig „Freundlich geweckt“. Karakteristisch fir de Leppert isch gsii, ass er si am End vu jedere Sendig mit eme Gschichtli oder eme Sprichli verabschidet het.
De Friburger SWR-Studiolaiter Rainer Suchan het im Ruckblick iwer en gsait: „Wolf Leppert prägte die badische Mundart im SWF Studio Freiburg, ein Grandseigneur im Radio und auf der Bühne, und ein überaus charmanter und hilfsbereiter Kollege“.[1]
No sinre Pensionierig het si de Leppert zeh Johr lang, vu 1991 bis 2001, aktiv engaschiert bi de Alemannische Bihni Friburg, as Schauspiiler un as kinschtlerische Laiter.
Ab un zue het er au no klaini Radioufdritt ghet as „Amts-Archivar Amadeus Adabei“.
Am 25. Juli 2015 isch de Wolfgang Leppert z Friburg im Alter vu 90 Johr gstorwe.