Winkel ZH

Winkel (früener au Winkel bi Büüli) isch e politischi Gmäind im Bezirk Büüli im Kanton Züri, Schwiiz.

S ZH im Lemma isch s offiziell Chürzel vom Kanton Züri und wird bruucht, zum Verwächslige mit Yträäg vom Name Winkel vermyde, wo öppis anders meined.

Winkel
Wappe vo Winkel
Basisdate
Staat:	Schwiiz
Kanton:	Züri (ZH)
Bezirk:	Büüliw
BFS-Nr.:	0072i1f3f4
Poschtleitzahl:	8185
Koordinate:	684042 / 26079047.4924958.553891450
Höchi:	450 m ü. M.
Flächi:	8.16 km²
Iiwohner:	4858 (31. Dezämber 2022)[1]
Website:	www.winkel.ch
Winkel Winkel
Charte
Charte vo Winkel w

Winkel, im Hindergrund Seeb (1962)

Geografii

Winkel liit im Züri-Underland am Tättebèèrg. Zue de Gmäind ghööred d Döörffer Winkel, Rüüti und Seeb; bis 1917 isch au na Eschemose debii gsii, wo jetz zu Büüli ghöört. Drum händ d Lüüt i de Gmäind de Spruch gsäit: Rüüti, Winkel, Eschemose schiissed mitenand i d Hose.^[2]

S Piet vo de Gmäind umfasst 44 % landwirtschaftlichi Flèchi, 27,5 % Wald, 10,6 % Sidligsflèchi, 10,9 % Vercheersflèchi und 0,5 % Gwässerflèchi.^[3]

Gschicht

D Ruiine vo de Villa vom röömische Guetshoof

E Rekonschtrukzioon vom röömische Guetshoof vom Architäkt Hermann Meyer (1970)

Winkel chunt zum eerschte Maal im Jaar 1044 in eren Urkunde voor, wo d Reed isch vo äim de Winkele. Gwont hät me deet aber scho früener: Weschtlich vo Seeb liit en röömische Guetshoof, wo mer i de 1960er-Jaar uusggrabe hät. Hüt isch dèè e beliebts Uusflugsziil.

Iiwoner

Bevölkerigsentwicklig

Quälle: Bundesamt für Statistik 2005^[4]

Jaar	1850	1860	1870	1880	1888	1900	1910	1920
Iiwooner	751	796	738	704	723	621	607	510
Jaar	1930	1941	1950	1960	1970	1980	1990	2000
Iiwooner	488	504	520	704	1089	2028	2313	3317

De Ussländeraatäil liit bi 13,1 % (Stand 2011).^[3]

Religion

41,5 % vo de Iiwooner sind evangelisch-reformiert, 24,9 % sind römisch-katholisch (Stand 2011).^[3]

Tieläkt

De züritüütsch Tieläkt vo Winkel ghöört zu de Underländer Mundarte.

Politik

Gmäindspresidänt isch de Marcel Nötzli (SVP, Stand 2024). Oortsparteie gits vo der SVP, der FDP, der EVP und der SP.

Wirtschaft

D Lüüt, wo z Winkel wonet, schaffed hauptsächli anderschwoo. Vil sind Piloote und schaffed bi de Swiss.

D Arbetsloosigkäit isch im Jaar 2010 bi 2,9 % gläge.^[3]

Lüüt, wo wichtig sind für Winkel

• Johannes Meyer-Rusca (1851–1936), en Sideninduschtrielle und Kantons- und Gmäindspolitiker.

Literatur

• Hermann Fietz: Die Kunstdenkmäler des Kantons Zürich. Band II: Die Bezirke Bülach, Dielsdorf, Hinwil, Horgen und Meilen (= Kunstdenkmäler der Schweiz. Band 15). Hrsg. von der Gesellschaft für Schweizerische Kunstgeschichte GSK. Bern 1943. DNB 365803049.
• Ueli Müller: Winkel ZH. In: Historisches Lexikon vo dr Schwiiz.
• Hans Peter Treichler: Winkel. Drei Dörfer – eine Geschichte. Hrsg. von der Gemeinde Winkel. bm druck ag, Winkel 2013, ISBN 978-3-033-04298-8.
• Andreas Zürcher: Seeb. In: Historisches Lexikon vo dr Schwiiz.

Weblink

 Commons: Winkel ZH – Sammlig vo Multimediadateie

• www.winkel.ch