D Vreni Pfister (* 28. April 1911; † 16. April 2006) isch e Schwyzer Schriftstelleri gsii.
.JPG)
D Vreni Pfister het e Hufe Gediicht gschriibe un Verzellige fir Chinder. Verschiideni Schwyzer Verlaag hän zwische 1952 un 1969 iri Biecher vereffetligt.
Ire eerscht Buech mit em Titel Florian und Sibylle. Ein tapferer Bub findet sich zurecht, wu anne 1952 uusechuu isch, isch mit Zaichnige vu dr Maja von Arx illuschtriert gsii. Dr Kanton Züri het s Buech im Joor 1953 – as Ergänzig zum Verzaichnis, wu 1949 im Kantonaale Leermittelverlaag uusechuu isch – as Embfäälig fir s 6. Schueljoor in s Verzeichnis guter Jugendschriften ufgnuu un het dr Inhalt eso zämmegfasst: «Ein Auslandschweizerknabe aus der Türkei kommt nach dem Tode seiner Mutter in die Schweiz zurück und findet hier nach anfänglichen Schwierigkeiten eine neue Heimat und auch wieder eine gute Mutter.»[1]
In irem Buech Die Königin von Saba het d Autoori au ne Bue zaichnet, dr Jingscht unter e baar Gschwischtrig, wu am e Wuchenänd ooni Eltere vu syne Gschwischtrig ellai dehaim gloo wird, un schyyns en Yybruch erläbt. Dr Titel beziet si uf e Hindin, wu dr Titelheld am Änd vu dr Gschiicht vu sym Gedi gschänkt kriegt as Beloonig fir syni Tapferkait, aber au as Gebuurtsdaagsgschänk – wel s het si am Änd uusegstellt, ass syni Gschwischtrig an däm Sunntig e wunderbaari Gebuurtstdaagsiberraschig blaant ghaa hän. Mit em schyymbere Yybruch sin si aber au umgcheert vum Gedi gstrooft woore, wel si ire jingschte Brueder aifach ellai dehaim im Huus gloo hän.[2]
S Buech vu dr Pfister, wu me am maischte chännt, isch dr Gschiichteband Der Chindlifrässer, wu anne 1969 vereffetligt wooren isch un wu s uf em Buechdeckel e Daarstellig vu dr Figuur vum Chindlifrässer-Brunne in dr Bärner Altstadt zaigt, wu em Buech dr Name gee het. Doodin het s vier «Erzälige» uf Bärndütsch, wu Szeene us em Lääbe vu dr «chlaine Lyt » rund um s Bärner Minschtr gschilderet wääre, doodrunter Der Münschtersigerischt un Der Panzerchrützer und sys Byboot. Es Brunngaß-Idyll.[3]
D Vreni Pfister isch Mueter vu vier Chinder gsii.[4]
D Vreni Pfister isch am 16. April 2006 gstoorbe, weenig Dääg vor irem 95. Gebuurtsdaag.
- Florian und Sibylle. Ein tapferer Bub findet sich zurecht. Textzeichnungen von Maja von Arx. H. R. Sauerländer, Aarau 1952 (258 S.).
- Die Königin von Saba (= Stern-Reihe. Band 88). EVZ-Verlag, Zollikon-Zürich 1964 (68 S.).
- Der Chindlifrässer. Vo chlyne Lüte rings um ds Münschter. Vier Geschichten in Berner Mundart. Francke, Bern 1969 (80 S.).
- Publikatione vo und über Vreni Pfister im Katalog Helveticat vo dr Schwiizerische Nationalbibliothek
- Wäärch vu dr Vreni Pfister in dr bibliograafische Daatebank WorldCat
- Websyte mit nit publizierte Wäärch vu dr Vreni Pfister, vor allem e ängeri Uuswaal vu ire Gediicht, wu si vor allem in ire letshcte Lääbesjoor verfasst ghaa het
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
