Dr hailig Urban († 230) isch vu 222 bis 230 Bischof vu Rom gsii. Sy Name bedytet „dr Stedter“ (latynischi) un dr Liber Pontificalis schrybt, är sei us dr Stadt Rom gsii. Historisch isch wenig iber en bekannt.
Dr Urban wir vum Eusebius vu Caesarea in syre Chilchegschicht gnännt un s git au ne Inschrift in dr Papschtkrypta vu dr Calixtus-Katakombe mit sym Name. Är het sy Amt in dr Regierigszyt vum Chaiser Alexander Severus uusgiebt, wu si dr Chrischte gegeniber tolerant verhalte gha het. S Schisma vum Hippolyt vu Rom het allno aaduurt.
Nit historisch belegbar isch d Zueornig vun ere liturgische Verornig, ass Mässgschiir nume us Silber soll gmacht sy, un au ne Brief an d Chrischtenhait un e Dekret bim Pseudo-Isidor. D Legänd nännt e großi Aazahl vu Bechehrte, unter andere dr Valerian, dr Mann vu dr hailige Caecilia, un sy Brueder Tiburtius waren. Derzue soll dr Urban no dr Passio S. Caeciliae us em 5. Johrhundert un andere speter Quällen as Märtyrer gstorbe syy.
Dr hailig Urban I. isch Patron vu Maastricht, Toledo, Troyes, Valencia un Zielona Góra (Grünberg z Schlesie); vu dr Räbe, vum Wyy, vu dr Räbbuure un Chiefer; gege s Sufe, Gicht, Froscht, Gwitter un Blitz. D Funktion as Schutzpatron vu dr Räbbuure isch sekundär un chunnt vun ere Verwächslig mit em hailige Urban vu Langres.
Sy katholische Gedänkdag isch dr 25. Mai, dr Urbanstag, no alter Iberliferig veermuetli sy Dodesdag.
- Ernst Pulsfort: Urban I., Papst. In: Biographisch-Bibliographisches Kirchenlexikon (BBKL). Band 12, Herzberg 1997, ISBN 3-88309-068-9, Sp. 924–925.
- Ytrag in d Catholic Encyclopedia, Robert Appleton Company, New York 1913 (änglisch)
- Gsamtwärch vu Migne Patrologia Latina mit Inhaltsverzeichnis
| Vorgänger Calixt I. |
Bischof vu Rom Dr Titel Papscht isch anne 384 zum erschte Mol brucht wore. 222–230 |
Nochfolger Pontianus |
 |
Dä Artikel basiert uff ere fräie Übersetzig vu dere Version vum Artikel „Urban_I.“ vu de dütsche Wikipedia. E Liste vu de Autore un Versione isch do z finde. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
