Universitätsspital Basel

S Universitätsspital Basel (früehner: Kantonsspital Basel, bis 1973 Bürgerspital Basel) isch s grösste Chrankehuus z Basel und eins vo der füehrende Gsundheitszentre in dr Schwiz. S Chrankehuus befindet sich uf dr Grossbasler Siite vom Rhii uf em Gländ, won emol em Breedigerkloster ghöört het, und bestoht us eme witläufige Komplex vo mehrere Gebäud, wo mitenander verbunde si.

Universidäätsspiddaal Baasel
Universitätsspital Basel - Klinikum 1
Unternähmensform	öffentlig-rächtligi Aastalt
Gründig	1973
Sitz	Basel, Schwiz
Mitarbeiter	4900
Branche	Gsundhäitswääse
Uffdritt im Netz	unispital-basel.ch

Dialäkt: Baseldütsch

Gschicht

1973 isch d Universitätsklinik as Kantonsspital vom Bürgerspital abdrennt worde, s Bürgerspital Basel isch jetzt e Pflägklinik, het aber au vili anderi sozial-medizinischi Ufgobe, wo mit dr Integrierig vo Behindrete z due hai.

Jedes Johr wärde öbbe 25'000 Lüt stationär und 130'000 ambulant behandlet. 2004 het s 700 Bett gha. S Universitätsspital het 3'500 medizinischs Fachpersonal, Mitarbeiter in dr Verwaltig und in dr Forschigsabdeilig. Näbe de reguläre Beriich vo der operative Medizin ghöre vier Spezialklinike zum Chrankehuus: d Fraueklinik, d Augeklinik, d Klinike für Dermatologii und HNO.

2018 händ Baselstadt und Baselland pschlosse, d Spitäler vo der Region zämezlegge.

D Ufgoobe vom Spital

Näbe dr medizinische Behandlig vo de Patiente wird im Huus au underrichdet und gforscht. D Forschigsabdeilig isch äng mit dr medizinische Fakultet vo dr Universität Basel verbunde.

Weblingg

• Websitte vom Universitätsspital Basel
• Websitte vo dr Basel-Stadt Statistik

Dä Artikel basiert uff ere fräie Übersetzig vum Artikel „Universitätsspital_Basel“ vu de dütsche Wikipedia. E Liste vu de Autore un Versione isch do z finde.

47.5627777777787.5830555555556