Triesenberg
From Wikipedia, the free encyclopedia
Dr Trisabärg (liachtaschtanerisch Tresabärg – ma seet öppadia o afach Bärg, amtlich Triesenberg) ischt, wias dr Nama seid, oberhalb va Trisa.
| Triesenberg | |
|---|---|
 | |
| Basisdata | |
| Staat: | Fürschtetum Liechtestaan |
| Wahlkreis: | Oberland |
| Gmoandsummere: | 7004 |
| Poschtloatzahl: | 9497 |
| Koordinate: | 759578 / 220732 |
| Höhi: | 884 m ü. M. |
| Flächi: | 29.8 km² |
| Iiwohner: | 2642 (30. Juni 2020)[1] |
| Bevölkerigsdichti: | 88.7 Iiwohner pro km² |
| Uusländeraatoal: | 20,6 % (30. Juni 2017)[2] |
| Website: | www.triesenberg.li |
| Karte | |
 | |
Trisäbärg ischt mid rund 29,7 Quadratkilometer vo dr Flechi har di gröscht Gmeind vam Land. Zu dr Gmeind ghöörend Trisabärg, Masescha, Silum, Gaflai (Gaflei), Stäg (Steg) und e Exklave uma Ort Milbu (Malbun). Z Milbu lit ima Hochtal uf rund 1'600 m ü. M. mit da Alpa Turna und Pradamee. Dr Stäg lid im Saminatal, zu dr Sidlig ghöörend dr Grossstäg und dr Chleistäg. Gaflei lid im Norda va Trisabärg uf rund 1'500 m ü. M., Masescha uf ätta 1'250 m ü. M.. D Nachbuurgmeinda sind Triesen, Schaan, Vaduz, Planken, Balzers. Trisabärg grenzt im Weschta an Tresa, Schaa und Vadoz, im Norde a Planka, im Süda an an Alp va dr Gmeind Baalzers und Trisa, und im Osta a Alpa va dr Gmeinde Schaa, Vaduz und Baalzers.
Trisabärg lid ufara Terrassa am Bärghang, und ma hed en wundrschöni Ussicht uber z Rhiital. Trisabärg isch bekannt für z Wandara und Bika im Summer und Schiifara und Langlaufa im Winter.
Mengmal im Winter lid dr Bärg scho uberem Näbl, wa meischtens vam Bodasee har iz Rhiital chrücht. Bis iz Tal brucht ma ätta 10 Minuta, es hed zwei Zuafahrtsstrassa und bi bedna sind guati Fahrkünscht erforderlich, zum wohlbehalta am Ziilort ahko.
D Trisabärger hän ganz en Dialäkt, will schi es Walservolk sind. Vor 650 Jahr sinsch iz Liachtaschtei igwanderet und händ va da Trisner dr Boda ubercho. Trisabärg ischt ds ersta Mal im Jahr 1378 als Trisnerberg genennd worda. Bis hüt läbend dia Walser ihri Tradition und sind au Mitglied ir Internationala Vereinigung für Walsertum.
| Jahr | 1584 | 1815 | 1880 | 1930 | 1965 | 2000 |
| Iiwohner | 603 | 753 | 1021 | 999 | 1592 | 2556 |
Gmeindsvorsteher isch dr Christoph Beck (VU).
Vo dr 2531 Iiwohner sind im Jahr 2000 82,6 % römisch-katholisch gsi und 6,9 % evangelisch-reformiert.[3]
D Kilcha vam Trisabärg hed en wunderschöna Zwibeltura, ubrigens dr einzig im ganza Land.
D Schüalerinna und Schüaler bsuachen d Primarschual im Dorf und gand drnah id Oberstufa uf Trisa oder iz Gymnasium Vadoz.
- Offizielle Internetsita vo dr Gmond Trisabärg
- Walser in Triesenberg – von damals bis heute... (Memento vom 29. Septämber 2007 im Internet Archive)
- Herbert Hilbe, Ulrike Mayr: Triesenberg. In: Historischs Lexikon vom Förschtatum Liachtastaa.
- Arthur Brunhart: Triesenberg In: Historisches Lexikon vo dr Schwiiz.
- Internationale Vereinigung für Walsertum: https://www.wir-walser.ch/
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
