Remove ads
Schtèèrnebèèrg, elter Schtèènebèèg (amtlich Sternenberg), isch es Doorf i de politische Gmäind Baume im Bezirk Pfäfike im Schwizer Kanton Züri.
| S ZH im Lemma isch s offiziell Chürzel vom Kanton Züri und wird bruucht, zum Verwächslige mit Yträäg vom Name Sternenberg vermyde, wo öppis anders meined. |
Schtèèrnebèèrg liit im Züri-Oberland, im Hügelland nordweschtlich vom Hörndli, uf rund 900 m ü. M. und isch dodemit di högschtglägni Gmäind vom Kanton gsii. S Piet vo der ehemolige Gmäind hät 39,1 % landwirtschaftlichi Flèchi, 56,1 % Wald, 2,7 % Sidligsflèchi, 1,7 % Vercheersflèchi und 0,1 % Gwässerflèchi umfasst.[2]
Schtèèrnebèèrg isch zum eerschte Maal im Jaar 1706 als Sternenberg gnamset woorde. Uf de 1. Januaar 2015 hät sich Schtèèrnebèèrg de Naachbersgmäind Baume aagschlosse.
Quäle: Bundesamt für Statistik 2005[3]
| Joor | 1850 | 1860 | 1870 | 1880 | 1888 | 1900 | 1910 | 1920 |
| Iiwoner | 1342 | 1101 | 975 | 889 | 798 | 709 | 612 | 533 |
| Joor | 1930 | 1941 | 1950 | 1960 | 1970 | 1980 | 1990 | 2000 |
| Iiwoner | 540 | 513 | 464 | 364 | 315 | 273 | 349 | 349 |
De Ussländeraatäil liit bi 6 % (Stand 2011).[2]
55,6 % vo de Iiwoner sind evangelisch-reformiert, 16,2 % sind römisch-katholisch (Stand 2011).[2]
Bi de Kantonsrootswaale 2011 hät s das Ergebnis ggèè: BDP 0,6 %, CVP 0,8 %, EDU 1,6 %, EVP 11,2 %, FDP 0,8 %, GLP 1,5 %, GP 6,9 %, SP 38,6 %, SVP 37,8 %, Suschtigi 0,3 %.
Gmäindspresidäntin isch vo 2002 bis 2014 d Sabine Sieber gsii.[4]
D Aarbetsloosigkäit isch im Jaar 2010 bi 1,8 % gläge.[2]
De züritütsch Tieläkt vo Schtèèrnebèèrg ghöört zu den Oberländer Mundaarte.
- Ueli Müller: Sternenberg (ZH). In: Historisches Lexikon vo dr Schwiiz.
- Hans Martin Gubler, Die Kunstdenkmäler des Kanton Zürich. Band 3: Die Bezirke Pfäffikon und Uster. Hrsg. von der Gesellschaft für Schweizerische Kunstgeschichte GSK. Bern 1978 (Kunstdenkmäler der Schweiz, Band 66). ISBN 3-7643-0991-1. S. 331–339.
- Sternenberg (Memento vom 19. März 2012 im Internet Archive)
- d Website vom Vercheerverain Schtèèrnebèèrg
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads