From Wikipedia, the free encyclopedia
D Sinai-Halbinsle [ˈziː.na.i] (arabisch سيناء, DMG Sīnāʾ) isch e Halbinsle, wo zu Egüpte ghöört.
| Sinai-Halbinsle | ||
 Satellitebild | ||
| Geographische Lage | ||
| ||
| Koordinaten | 29° 30′ N, 33° 50′ O | |
| Gwässer 1 | Golf vo Akaba | |
| Gwässer 2 | Golf vo Sues | |
| Flechi | 61.000 km² | |
D Sinai-Halbinsle lit uf dr Afrikanische Blatte zwüschen em afrikanische Kontinänt und dr arabische Halbinsle, von dere isch si geologisch dur e Jordangraabe drennt. Geografisch ghöört si zu Asie. Si isch öbbe 61.000 km² grooss, anderthalb mol so grooss wie d Schwiz. Westlig vo dr Halbinsle befindet sich dr Golf vo Sues, östlig de Golf vo Akaba. D Landschaft isch wüestihaft und bsundrigs im Süde vo schroffe Gebirg brägt.
Mit 20 mm bis 50 mm Rääge im Joor isch dr Nordsinai seer unwirtlig. Im Süüde hingege mache s Niiderschleeg vo 150 mm bis 200 mm de Nomade mööglig, iir Vee in de Wadi und an Bärgabhäng z halte. Dr Katharinebärg isch mit 2637 m Hööchi die höggsti Erhebig im Sinai und im ganze Staat Egüpte.
D Halbinsle isch in zwäi Guwernemänt iidäilt. Im Norde isch s Guwernemänt Schimal Sina mit dr Hauptstadt al-Arisch an dr Middelmeerküste. Si het öbbe 128'000 Iiwooner (2005) und isch die grössti Stadt im Sinai. Im Süüde isch s Guwernemänt Dschanub Sina mit dr Hauptstadt at-Tur.
D Halbinsle het öbbe 1,3 Millioone Iiwooner und d Helfti von ene si Beduine. Si ghööre zu knapp 20 Stämm und füere nume no däilwiis e nomadische Lääbensstiil. Si lääbe vo Veezucht (Gäisse, Schööf, Dromedar), an dr Ostküste au vom Fischfang und als wie mee vom Turismus als Füerer vo Kamelduure dur d Wüesti oder in dr turistische Infrastruktur an dr Küste. S orthodoxe Katharinechloster, die wichdigsti turistischi Attakzioon, lit im Süüde vom Sinai in dr Nööchi vo dr Ortschaft Milga unde am 2285 Meter hooche Bärg Sinai. Es stammt us em 6. Joorhundert und isch äins vo de eltiste Chlööster vo dr Christehäit.
Im Norde vo dr Halbinsle wird dr As-Salam-Kanal baut, für zum Wasser us em Nil zur Bewässerig vo groosse drochnige Gebiet under em Sueskanal duure gläitet. S erste Däilstück isch 1997 fertigbsut worde. Am Süüdspitz vo dr Halbinsle liige d Stadt Scharm asch-Schaich mit e Hufe Hotel und dr umbewoonti Ras-Mohammed-Nationalpark.
 |
 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
