From Wikipedia, the free encyclopedia
D Seeschlacht vo Salamis het am 29. Septämber (noch andere Kwelle am 23., 24. oder 25.; s exakte Datum isch umstritte)[1] 480 v. d. Z. zwüsche Grieche und Perser bi Salamis stattgfunde, ere Insle in dr Nööchi vo Athen. D Grieche häi die persischi Flotte entschäidend gschlaage und eso dr Rückzuug vo de Perser us Griecheland erzwunge.
| Schlacht vo Salamis | |||||||||
|---|---|---|---|---|---|---|---|---|---|
| Deil vo: Perserchrieg | |||||||||
 | |||||||||
| |||||||||
| Konfliktparteie | |||||||||
| Grieche | Perser | ||||||||
| Befählshaber | |||||||||
| Themistokles, Eurybiades | Xerxes I. | ||||||||
| Truppesterki | |||||||||
| 366 griechischi Triere us Athen und Ägina | 600 persischi Galeere | ||||||||
| Verlust | |||||||||
| 40 griechischi Triere | 200-300 persischi Schiff | ||||||||
| Ziil: vo de Perser: Athens und ganz Griecheland z eroobere.
vo de Griechen: die persische Invasore z verdriibe und z vernichde | |||||||||
| Perserchrieg |
|---|
| Lade – Marathon – Thermopyle – Artemision – Salamis – Plataiai – Mykale – Eurymedon |
Die Schlacht isch äini vo de bedütendste Seeschlachte im Middelmeerruum in dr Antike.
Im August vom Joor 480 v. d. Z. si d Perser in Griecheland iigfalle und häi d Spartiate und anderi Verbündeti in dr Schlacht bi de Thermopyle gschlaage, und gliichzitig het sich die attischi Flotte noch dr dreidäägige, unentschiidene Schlacht bi Artemision an dr Nordsite vo Euböa in Richdig Athen müesse zruggzie. Dr Xerxes het Athen, wo dr Themistokles het lo ewakuiere, und d Landschaft Attika drumume bsetzt und verwüestet.
Die mäiste Grieche häi sich denn welle uf d Verdäidigung vom Isthmus vo Korinth konzentriere, wo aber d Perser die griechischi Flotte iigschlosse häi, häi d Grieche iiri 380 Schiff für e Kampf barat gmacht und si usgfaare. In dr Schlacht häi si e groosse Däil vo de persische Schiff versänkt und e Hufe Perser, drunder dr Fäldher Ariabignes si ums Lääbe choo, wil si nit häi chönne schwümme. Vo de Grieche, wo iir Schiff verloore häi, si vil weniger verdrunke, wil si zur Insle Salamis gschwumme si.
Dr persisch Köönig Xerxes het denn Angst überchoo, wil d Grieche d Brugg am Hellespont chönnte zerstööre, und het sich uf Chläiasie zruggzooge.
In dr Schlacht vo Plataea im Summer vo 479 isch d Armee vo de Perser vernichdend gschlaage worde, und am Kap Mykale häi d Grieche d Räst vo dr persische Flotte vernichdet. D Perser häi denn iiri Erooberigsglüst ändgültig begraabe.
Athen het dr Attisch Seebund gründet, si Flotte usbaut und isch zur griechische Hegemoniimacht worde.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
