From Wikipedia, the free encyclopedia
Dr Sarnersee isch en 7.5 km² grosse See i dr Zentralschwiiz im Kanton Obwalde. Er erschtreckt sich in Südwescht-Nordoscht-Richtig, isch ungefähr 6 km lang und hät e mittleri Breiti vo 1.3 km. Di mittleri Seehöchi liit uf 469 m ü. M., dr tüüfschti Punkt vom Seegrund uf 418 m ü. M., was ere maximale Tüüfi vo 51 m entschpricht.
Sarnersee | ||
---|---|---|
![]() | ||
Sarnersee | ||
Geographischi Lag | Zentralschweiz | |
Zueflüss | Aa, Grossi Melchaa, Chlini Melchaa, Dreiwässerkanal | |
Abflüss | Sarner Aa | |
Ort am Ufer | Saarne, Sachsle, Giswil | |
Date | ||
Koordinaten | 658711 / 190440 | |
| ||
Höchi über em Meeresspiegel | 469 m ü. M. | |
Flechi | 7,5 km² | |
Seebreiti | 1,3 km | |
Maximali Diefi | 51 m | |
BFS-Nr.: 9239 | ||
![]() |
Dialäkt: Züridütsch (See) |
Dr See liit imeme vo de iisziitliche Gletscher uusgschliffene breite Tal. Er isch iibettet zwüsched de Höhezüüge vo Jänzi (bis 1738 m ü. M.) im Nordweschte und Arnigrat (bis 2105 m ü. M.) im Südoschten. Siini Ufer sind überwiigend flach, schteileri Ufer gits nur am Süüdeggä sowie im Nordweschte. Dr südlichi Zuefluss vom Sarnersee isch dr Dreiwässerkanal, wo s Wasser vom Lauibach, vo dr Aa (us em Lungeresee) und vo dr Chliine Melchaa mit sich füehrt. Wiiteri Zueflüss sind dr Schteinibach vo Weschte und di Grossi Melchaa vo Oschte. Bi Saarne am Nordoschtufer verlaat d Sarner Aa de See.
Flächeaateil am Sarnersee händ di drei Obwaldner Gmeinde Saarne, Sachsle und Giswil, wobii zu Giswil nur ein ganz chliine Aateil im Bereich weschtlich vo dr Mündung vom Dreiwässerkanal ghört.
I dr Periode nach dr letschte Iisziit isch dr Sarnersee Teil vom hütige Vierwaldstättersee. Er hät de hinterschti Abschnitt vo dr Alpnacher Bucht bildet. Im Lauf vo dr Ziit händ aber di Grossi und die Chliini Schliere sowie di Grossi Melchaa viil Gschieb herägfüehrt und händ Schwemmchegel uufbaut, so dass es zunere Abschnüerig und nachfolgende Uufschtauig vom Sarnersees choo isch. Hüt liit dr Seeschpiegel vom Sarnersee 35 m über demjenige vom Vierwaldstättersee.
![]() |
Dä Artikel basiert uff ere fräie Übersetzig vum Artikel „Sarnersee“ vu de dütsche Wikipedia. E Liste vu de Autore un Versione isch do z finde. |