Ruine Hartenkirch

D Ruinè Hartèchilch isch è mittelaalterlichi, abgangèni Felsèburg un è Wearaalaag us voschiddèni Zeitepochè. Sy stòt hoch obberhalb vum Dorf Siblingè im Schwyzer Kanton Schaffuusè.

Burg Hartèchilch
Entstehigsziit:	um 1200
Burgetyp:	Höèburg, Felslaag
Erhaltigszuestand:	Burgschtall
Ort:	Siblingè
Geografischi Lag:	47° 43′ 15,6″ N, 8° 32′ 2,3″ O47.7218.533976790
Höchi:	790 m ü. M.
Ruine Hartenkirch (Schweiz) Ruine Hartenkirch

p1

Laag

D Ruinè lyt uff èm Hörnli uff èm Siblinger Schlossrandè uff 790 m ü. M. hoch übber m Chläggi. Hüt stòt dört dè Siblinger Randèturm, èn Grill- un Kinderschpillblatz.

Dè Siblinger Schlossrandè isch vo Siblingè uus z Fuss in èm gächè Uffschtyg uff uusgschildèrtem Wanderwäg in öppè 1 Stundè erreichbar. Èn uusgschildertè Faarwäg zum «Siblinger Randè» füürt vo Siblingè uus zum Parkblatz «Siblinger Randèturm». Vo dört uus chunnt mò in 10 Minutè z Fuèss zuè dè Ruinè.

Nammè

Dè Schaffhuuser Chronischt Johann Jakob Rüeger (1548–1606) hèt d Aalaag mit èm Gschlecht vo dè vo Hartèchilch in Vobindig brocht. Neueri Forschigè hèn sèll abber widderlegè chönnè. S isch bis hüt nit bekannt, wer d Burg bauè lõ hèt. Dè Nammè Ruinè Hartèchilch hèt sich trotzdèm ghaaltè, obwoll s Amt für Denkmòlpfleeg un Archäology vum Kanton Schaffuusè d Bezeichnig nit bruucht hèt; s Amt dauft d Aalaag è Bronzezytlichi Höèsidlig un mittelaalterlichi Burg uff èm Siblinger Schlossrandè. Well d Ruinè abgangè un nümmi z erkennè isch, wörd sy au uff dè Schwyzer Landeschartè nit als Ruinè vozeichnèt.

Siblingè mit Siblinger Schlossrandè (hinnè Mitti)

Literadur

• Daniel Grütter: Burgruinen im Kanton Schaffhausen. In: Mittelalter. Zeitschrift des Schweizerischen Burgenvereins. Jg. 19, Nr. 2, 2014, ISSN 1420-6994, S. 77–86, dõ S. 80, doi:10.5169/seals-514064.
• Amt für Denkmòlpfleeg un Archäology Kanton Schaffhuusè: Infodaflè 1
• Amt für Denkmalpfleeg un Archäology Kanton Schaffhuusè: Infodaflè 2

Weblinggs

• Amt für Denkmòlpfleeg un Archäology Kanton Schaffuusè: Siblingè Schlossrandè - Bronzezytlichi Höèsidlig un mittelaalterlichi Burg

Burgè un Schlösser im Kanton Schaffuusè Beringè | Bibermülli | Hartèkirch | Härblingè | Hoèchlingè | Munot | Neuburg | Nüüchilch | Wörth | Radegg | Randèburg | Sonnèbärgguèt | Thayngè | Wulchèschtai

Dä Artikel basiert uff ere fräie Übersetzig vum Artikel „Ruine_Hartenkirch“ vu de dütsche Wikipedia. E Liste vu de Autore un Versione isch do z finde.