Rudolf Gnägi

De Rudolf Gnägi (* 3. August 1917 z Schwadernau, Kanton Bern; † 20. April 1985 z Spiegel bi Bärn), heimatberächtigt z Schwadernau, isch en Schwiizer Politiker (SVP, vormals BGB gsii).

Dialäkt: Züridütsch (See)

Vo 1952 bis 1965 isch de Gnägi Regierungsrat (Exekutive) vom Kanton Bern und vo 1953 bis zu siinere Wahl als Bundesrat 1965 Nationalrat (Legislative) vo dr Schwiiz gsii.

Er isch am 8. Dezember 1965 in Bundesrat gwählt worde. Am 31. Dezember 1979 isch er zruggträte. Während siinere Amtsziit isch er de folgende Departement vorgschtande:

1966–1967: Verchehrs- und Energiewirtschaftsdepartement
1968: Militärdepartement
1968: Verchehrs- und Energiewirtschaftsdepartement
1969–1979: Militärdepartement

Er isch Bundespräsident gsii i de Jahre 1971 und 1976 und Vizepräsident i de Jahre 1970 und 1975. Us siinere Amtsziit als Chef vom Militärdepartement schtammt d Iifüehrig vom Trikothemd 75, em so genannte Gnägi oder Gnägi-Liibli, en olivgrüene liechte Rollchragepullover für d Truppe. Zu siim Fründeschreis hät d Jugendschriftschtellerin Elisabeth Müller ghört.

"Gnagi" isch dr Helvetismus, wo em düütsche Eisbein entschpricht. Us siinere Ziit im Bundesrat schtammt die für ihn schmeichelhafti Redewendig "es Gnagi und sächs Würscht" (dr Schwiizer Bundesrat beschtaht us siebe Mitglieder).

Remove ads

Literatur

Rudolf Gnägi im Munzinger-Archiv (Artikelaafang frei abruefbar)

Weblink

Rudolf Gnägi i de Datebank Dodis vo de Diplomatische Dokument vo de Schwiiz
Peter Stettler: Gnägi, Rudolf. In: Historisches Lexikon vo dr Schwiiz.
Siite vo dr Schwiizer Bundesverwaltig über de Alt-Bundesrat Gnägi

Vorgänger
Friedrich Traugott Wahlen

Mitgliid im Schwiizer Bundesrat
1966–1979

Nochfolger
Leon Schlumpf

Dä Artikel basiert uff ere fräie Übersetzig vum Artikel „Rudolf_Gnägi“ vu de dütsche Wikipedia. E Liste vu de Autore un Versione isch do z finde.

Remove ads