From Wikipedia, the free encyclopedia
Unter em Titel „Wie d‘Schnurre gwachse isch!“ git s syter 2022 e Poetry Slam uf Alemannisch.
Dr erscht Poetry Slam het am 29. Oktober 2022 z Bernau im Schwarzwald stattgfunde. Organisiert hän där Poetry Slam d Muettersproch-Gsellschaft un dr Naturpark Südschwarzwald e. V. D Schirmherrschaft het d Gmai Bernau ibernuu, s SWR4 Studio Fryburg het dr Poetry Slam mitpresäntiert un au ufgnuu.
Bis zum 31. Mai 2022 het mer si chenne bewärbe fir e Dailnahm mit eme Täxt oder eme churze Video uf Alemannisch. Mitmache hän alli chenne, wu s 35 Lääbesjohr nonig abgschlosse ghaa hän.
Emänd het s sibe Dailnämer*ne gee:
Di Dailnämer*ne sin in zwoo Gruppe gegenenander aadrätte. Us em Publikum isch e fimfchepfigi Jury uusgwehlt wore, wu Pinkt vergee het. Di baide Siger*ner us dr bode Gruppe un die Person, wu insgsamt s drittbescht Ergebnis ghaa het, sin im Finale nomol gegenenander aadrätte, des sin dr Fabian Bürkin, d*r Valo Christiansen un d Ingrid Ruesch gsii. Im Finale het schließli s Publikum per Applaussterki entschide. Gwunne het dr Poetry Slam emänd d Ingrid Ruesch.
Moderiert woren isch dr Oobe im Kurhuus Bernau vu dr Marion Eiche vum SWR un em Jürgen Hack vu dr Muettersproch-Gsellschaft. In dr Pause het s Duo Knaschtbrüeder vu Schopfe gsunge.
Dr zweet Poetry Slam uf Alemannisch isch am 28. Oktober 2023 im Kurhuus z Ditisee gsii. Organisiert hän au dr 2. Poetry Slam d Muettersproch-Gsellschaft, dr Naturpark Südschwarzwald e. V., dr SWR un d Hochschwarzwald Tourismus GmbH.
Im Unterschid zue dr erschte Uusgab vum Poetry Slam het s desmool kai Altersbschränklig gee, mitmache hän alli chenne, wu Alemannisch chenne. Zum Finale im Kuurshuus Ditisee sin acht Lyt yyglade woore, moderiert hän die Veraastaltig wie bim erschte Mol d Marion Eiche vum SWR un em Jürgen Hack vu dr Muettersproch-Gsellschaft.
Mitgmacht hän bim Poetry Slam acht Lyt:[1]
Wie bim erschte Poetry Slam sin au desmool wider us däne acht vun ere fimfchepfige Jury drei uusglääse woore, wu derno im Finale gegenenander aadrätte sin un vum Publikum per Applaus entschide woren isch. Gwunne het dr zweet Poetry Slam d Carola Horstmann, wu z Dänzlinge wohnt un si im Finale gege d Beate Ruf vu Fryburg un dr Rolf Breisacher vu Gietebach duregsetzt het. As Ramebrogramm isch s Comedy-Duo Funnymoon ufdrätte.
Dr dritt Poetry Slam uf Alemannisch isch am 24. Mai 2024 im Burghof Löörech im Rame vun eme Dreiländer-Mundart-Feschtival[2] gsii un isch wider fir jungi Lyt uusgschribe (zwische 16 un 39 Johr) gsii. Organisiert hän dr 3. Poetry Slam d Muettersproch-Gsellschaft, dr Naturpark Südschwarzwald e. V. un dr SWR.
Moderiert hän die Veraastaltig d Dialäktautori Catharina Müller un d Vanessa Amann vum SWR.
Zum Finale im Burghof sin vier Lyt yyglade woore:
Us däne vier sin vum Publikum drei per Applaus uusglääse woore, wu derno im Finale gegenenander aadrätte sin. Gwunne het dr dr Poetry Slam dr Remo Zumstein vu Bärn, wu si im Finale gege d Jenny Gersbacher vu Häg-Ehrsberg un dr Steffen Brupbach vu Däninge duregsetzt het. Au s Finale isch vum Publikum per Applaus entschide wore. As Ramebrogramm isch s Duo Goschehobel ufdrätte.