Oberrheinischer Kulturpreis

Dr Oberryynisch Kulturpryys (dt. Oberrheinischer Kulturpreis) isch zwische 1966 un 1996 vu dr Johann Wolfgang von Goethe-Stiftig z Basel alljohr an Lyt vergee wore, wu sich uuszeichnet gha hän in Beryych vu dr Heimet- oder Kulturforschig im Elsass, z Bade, in dr Schwyz un z Vorarlbärg. uuszeichnet gha hän. Dr Pryys isch abwächselnd in Frankryych, Dytschland un in dr Schwyz iberreicht wore.

D Basler Johann Wolfgang von Goethe-Stiftig isch e Ableger vu dr Hamburger Alfred Töpfer Stiftig, wu wägem Verhältnis vu ihrem Stifter Alfred Töpfer zum Nationalsozialismus langi Zyt umstritte gsi isch. Syt dr 1990er Johr isch d Vergangeheit vu dr Töpfer-Stiftig kritisch diskutiert wore. Scho anne 1986 het dr Elsässer Freddy Raphael dr Oberryynischi Kulturpryys abglähnt. D Idee vu däm Pryys isch „d Entschärfig vu dr chinschtlige, dr organische Substanz vum Ruum widersprächende, nationale Gränze“ gsi^[1]. Im Zämmehang mit dr Vergangeheit vum Töpfer sin die Formulierige as zimli problematisch aagsäh wore, vor allem wel dr Töpfer sich in 1930er Johr fir d „Heimholig“ vu dytschsprochige Biet uusgsproche un d Bsetzig vum Elsass anne 1940 begriesst gha het. 1996 isch d Verlejig vu däm Pryys wäge däm yygstellt wore. Anne 1999 het dr Historiker Peter d Pryysvergabe zwische 1966 un 1995 untersuecht. No syre Aasicht heb s bi dr Vergab kei Yyfliss vun ere „pangermanische Politik“ gee.^[1]

Pryystreger (Uuswahl)

dr Paul Bertololy (Mitti) bi dr Hockede no dr Verleihig 1969

• 1966 – Nathan Katz, Émile Storck
• 1967 – Friedrich Franz von Unruh, Hermann Schilli
• 1968 – Karl Ilg, Ernst Laur
• 1969 – Paul Bertololy
• 1970 – Friedrich Metz (postum), Fritz Hockenjos
• 1973 – Johannes Künzig
• 1974 – Charles Pfleger
• 1975 – Etienne Bilger, Emil Egli, Hans Killian^[2]
• 1977 – Gustav Adolf Wanner, Constantin Schäfer, Émile Georges Zink^[3]
• 1980 – Max Rieple, Louis Edouard Schaeffer
• 1982 – Benedikt Bilgeri, Woilfgang Müller
• 1983 – Adrien Finck, Robert Blum, Gerhard Jung
• 1984 – Lutz Röhrich, Conrad Winter, Hans Bringer^[1]
• 1985 – Dino Larese
• 1986 – Freddy Raphael (het dr Pryys abglähnt)^[1], Stefan Sonderegger, Jean Egen
• 1987 – Albin Fringeli, Herbert Kessler, Georges Klein, Edith Picht-Axenfeld
• 1988 – Karl Kurrus
• 1989 – Horst Linde
• 1990 – Elsie Attenhofer, Berndmark Heukemes
• 1991 – Wolfgang Kehr, Julian Dillier
• 1994 – Walter Helmut Fritz
• 1995 – Heinz Spoerli, Paul Sacher
• 1996 – Albert E. Kaiser, Hans-Martin Gauger, Pierre Karli