From Wikipedia, the free encyclopedia
D Nicola Förg (* 13. Dezämber 1962 z Kempte) isch e dytschi Raiseschurnalischti un Schriftstelleri.
D Nicola Förg isch d Dochter vun eme Versicherigssbezirksdiräkter un ere Gimnasiallehreri. Si isch z Stoufe un z Kempte im Allgai ufgwagse.[1] Si het am Hildegardis-Gimnasium Kempte s Abitur gmacht un isch dur Auschtralie graist (work&travel). Anne 1983 het si an dr Ludwig-Maximilians-Universitet München aafange Germanischti un Geografy studiere. Um die Zyt het si scho ne Stadtmagazin z Kempte mitgstaltet un isch freii Mitarbaiteri bim Radio fir Sporttheme gschafft. Noch em Studienabschluss het d Förg as Redakteuri fir d Magazin Traveller`s World un Ski gschafft.
Ab 1991 het d Förg as freii Schurnalischti Bydreg zue dr Theme Raise, Turischtik un Innenarchitektur in verschidene Magazin un Zytige publiziert. Iri Schwärpinkt sin im Beraich Wintersport, Winterraise un Rosshaltig un Ryterraise gläge, d Länderschwärpinkt vor allem in dr Alpe, Skandinavie, GB/Irland un Kanada. Si het verschideni Raisefierer un Raisebildbänd verfasst. Si isch e engaschierti Dierchänneri un luegt unter anderem no dr Diersyte, wu all Wuche im Münchner Merkur uusechunnt.
Mit „Schussfahrt“ het d Nicola Förg 2002 as Autori vu Kriminalroman debütiert. Iri erscht Buechraie um dr Kommissar Gerhard Weinzirl isch im Emons Verlag erschine un isch speter vu Goldmann nei ufglait wore. Handligsort vu s Förgs Weinzirl-Raie isch aafangs iri Allgaier Haimet gsii, derno dr Pfaffewinkel.
Di zwoot Serie het si 2009 mit „Tod auf der Piste“ aagfange. D Serie um di boode Kommissarene Irmi Mangold un Kathi Reindl spiilt rund um Garmisch-Partakurch, im Ammergebirg un im Außerfern. D Biecher sin zum Dail in d Top Ten vu dr Spiegel-Bestsellerlischt chuu. S Merkmol vu dr Serie sin guet rescherchierti Umwält-, Naturschutz- un Diertheme wie z. B. Biogasaalage, dr Yysatz vu Glyphosat, illegale Welpehandel, dr Uusverchauf vu dr Alpe.
D Nicola Förg het an verschidene Krimi-Anthologie mitgschribe (u. a. Droemer Verlag, Ars Vivendi, Allitera, dtv, Heyne, Piper u.v.m)
D Nicola Förg wohnt un buurt mit irem Mann Lutz Rudat uf eme Hof z Prem am Lech im Landkrais Weilheim-Schongau.
Heerbiecher
Wynächtsroman
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.