Neptun (Planet)
From Wikipedia, the free encyclopedia
Remove ads
Dr Neptun isch dr vu dr Sunne us gsähe dr acht Planet im Sunnesystem. Er isch daift uf dr Neptun, dr römisch Gott vum Meer un vu dr fliessende Gwässer, un isch e Gasriis. Si Zeiche isch e stilisierte Dreizack (
), d'Waffe vum Meergott Neptun. Dr Neptun isch nooch em Volume dr viertgrösst, nooch dr Masse dr drittgrösst Planet vum Sunnesystem. Er isch e chlei weng chleiner wie dr Uranus, het aber e höcheri Dichti wie säller.
Remove ads
Umlaufbahn
Dr Neptun isch dr usserst vu dr grosse Gasplanete vum Sunnesystem un lauft uf ere fast chreisförmige Umlaufbahn mit ere Exzentrizität vu 0,0113 um d'Sunne. Si sunnenächste Punkt, s'Perihel, lit bi 29,709 AE un si sunnefernste Punkt, s'Aphel, bi 30,385 AE. Jensits vum Neptun lit dr Kuipergürtel, wo au dr Pluto umlauft, wo wege sinere Bahn ab un zue (zledst vu 1979-1999) dr Sunne nächer wie dr Neptun chummt. S'Plutosystem isch s'grösste us dr Familie vu dr Plutinos, säll sin Objekte, wo in drei Neptunjohr gnau zweimol um d'Sunne chreise. D'Neptunbahn isch mit 1,769° numme liicht gege d'Ekliptik gneigt. Fer e Umlauf um d'Sunne brucht dr Neptun öppe 165 Johre.
Remove ads
Literatur
- William Sheehan, Nicholas Kollerstrom, Craig B. Waff: Die Neptun-Affäre. Spektrum der Wissenschaft, April 2005, S. 82 - 88 (2005), ISSN 170-2971
Weblink
- Liste vu dr Neptunmönd (Englisch)
- Hubble-Video vu dr Neptun-Atmosphäre un sine Mönd (Englisch)
Wikiwand - on
Seamless Wikipedia browsing. On steroids.
Remove ads