Naturwissenschaftlich-Technische Akademie Isny

Di Natuurwisseschaftli-Tächnisch Akademy Isny (dt. Naturwissenschaftlich-Technische Akademie Isny, chuurz nta), friejer Naturwissenschaftlich-Technische Akademie Prof. Dr. Grübler, bstoot us vier staatlig anerkännte Beruefskolleeg fir natuurwisseschaftligi Beruef z Isny im Allgai. D Yyriichtig isch vu 1973 bis 2015 as Hoochschuel anerkännt gsii.

nta Isny
Motto	Ausbildung mit Mehrwert!
Gründig	1945
Drägerschaft	gmainnitzigi GmbH, privaat, staatlig anerkännt
Ort	Isny im Allgai
Bundesland	Baade-Wiirtebäärg
Land	Dytschland
Gschäftsfierer	Joachim Dufner
Website	www.nta-isny.de

Naturwissenschaftlich-Technische Akademie (nta) - Isny

Si isch anne 1945 z Raveschburg as Uusbildigsstätt fir Cheemisch-tächnischi Assischtänte unter em Name Chemieschule Dr. Grübler grindet un 1950 uf Isny verlait woore. Ab 1961 sin di eerschte Ingenieur-Stuudiegäng (zeerscht Fisikaalischi Tächnik un Chemy) yygriichtet woore. Anne 1973 het d nta di staatlig Anerkännig as Fachhoochschuel iiberchuu.

Syter anne 2006 sin alli an dr Fachhoochschuel aabotene Diploomstuudiegäng vu dr Agäntuur ASIIN akkreditiert gsii. Zum Wintersemeschter 2009/2010 sin di bishäärige Diploomstuudiegänge an dr Fachhouchschuel uf dr Bachelorabschluss (Bachelor of Science) umgstellt woore. Zlescht sin an dr Hoochschuel Isny d Bachelorstuudiegäng Chemy (Schwäärpunkt Allgmaini Chemy oder Lääbesmittelchemy un Umwältanalytik), Farmazeitischi Chemy, Informaatik un Fisik-Ingenieurwääse aabote woore. Au die Bachelorstuudiegäng sin vu dr Akkreditierigsagäntuur ASIIN e. V. akkreditiert gsii. Syt em Wintersemeschter 2016 het d nta-Hoochschuel kai Studänte*ne mee ufgnuu. Dr Wisseschaftsroot het im Oktoober 2015 dr Yyriichtig d Re-Akkreditierig as Hoochschuel verwaigeret.^[1] In dr Folg het d Yyriichtig ire Hoochschuelstaatus verloore.^[2]

D Beruefskolleeg vu dr nta (in andere Bundesländer au Beruefsfachschuele gnännt) biete zwaijeerigi (PTA 2,5 Joor) schuelischi Beruefsuusbildige zue Tächnische Assischtänte*ne, wie Assischtänt*i fir Informazioons- un Kummenikazioonstächnik AIK oder ITA, Biotächnologische*i Assischtänt*i BioTA, Cheemisch-tächnische*i Assischtänt*i CTA un Farmezeitisch-tächnische*i Assischtänt*i PTA aa.

In dr Zyt vu dr Uusbildig an aim vu dr nta-Beruefskolleeg cha mer opzionaal d Fachhoochschuelryyfi dur Bstoo vun eme FHR-Zuesatzbrogramm mach un dodermit d Voruussetzig zum Stuudium an ere Fachhoochschuel z Baade-Wiirtebäärg kriege. E Fachhoochschuelryyfi, wu mer in dr PTA-Uusbildig macht, giltet bundeswyt.

Syt iiber 60 Joor bietet d nta au ne Voorberaitigskuurs (Meerz bis Augschte) zum Yystiig in d Uusbildige zue dr Tächnische Assischtänte*ne oder as Beruefsfindigsmeegligkait im MINT-Beraich.

Weblink

 Commons: Natuurwisseschaftli-Tächnisch Akademy Isny – Sammlig vo Multimediadateie

• Offiziälli Websyte vu dr Natuurwisseschaftli-Tächnische Akademy Isny

Fueßnote

1. Wissenschaftsrat: Stellungnahme zur Reakkreditierung der nta Hochschule Isny, 20. Oktober 2015.
2. Stilles Aus der NTA Isny als Hochschule, Allgäuer Zeitung, 24. Oktoober 2019.

47.69402777777810.03675

Normdate: GND: 1094937-9 | VIAF: 122621945

Dä Artikel basiert uff ere fräie Übersetzig vu dere Version vum Artikel „Naturwissenschaftlich-Technische_Akademie_Isny“ vu de dütsche Wikipedia. E Liste vu de Autore un Versione isch do z finde.