Morcote
From Wikipedia, the free encyclopedia
Morcote (lombardisch Murcò, dytsch veraltet Marchon) isch e Gmai im Kanton Tessin in dr Schwyz. Si ghert zum Chrais (circolo) Carona im Bezirk Lugano.
| Morcote | |
|---|---|
 | |
| Basisdate | |
| Staat: | Schwiiz |
| Kanton: | Tessin (TI) |
| Bezirk: | Lugano |
| Kreis: | Carona |
| BFS-Nr.: | 5203 |
| Poschtleitzahl: | 6922 |
| Koordinate: | 714607 / 87012 |
| Höchi: | 272 m ü. M. |
| Flächi: | 2.8 km² |
| Iiwohner: | 714 (31. Dezämber 2022)[1] |
| Website: | www.morcote.ch |
 Morcote | |
| Charte | |
 | |
Geografi
Morcote lyt zeh Kilometer sidweschtlig vu Lugano am Luganersee vis-à-vis vum italienische Porto Ceresio, am Fueß vum 822 Meter hoche Monte Arbòstora. Nochbergmaine sin Brusino Arsizio, Lugano, Vico Morcote un di italienische Gmaine Brusimpiano un Porto Ceresio.
Gschicht
Morcote isch zum erschte Mol anne 926 as Murcao (1353 Murchoe, 1453 Murchote) gnännt wore. Im Hochmittelalter und bis wyt is 19. Johrhundert ine isch es e wichtigs Ort fir d Schiffahrt un d Fischerei gsi, und vo syre Burg us hed mr dr Verchehr uf em See yberwacht. Noch em Pestjohr 1432 hän z Morcote nume no siibe Familie gläbt. 1517 isch es an di Alt Aidgnosseschaft chu. Zue dr Gmai het bis 1588 au Vico Morcote ghert un vu 1803 au 16 Carabietta. Bi me Ärdrutsch anne 1862 sin siibe Hyyser im See versunke. Hitte läbt Morcote vum Fremdeverchehr.
Verwaltig
Dr Burgermaischter (Sindaco) vu Morcote isch dr Fausto Bizzini.
Bevelkerigsentwicklig
Quälle: Bundesamt für Statistik 2005[2]
| Johr | 1850 | 1860 | 1870 | 1880 | 1888 | 1900 | 1910 | 1920 |
| Yywohner | 481 | 493 | 461 | 542 | 524 | 515 | 535 | 513 |
| Johr | 1930 | 1941 | 1950 | 1960 | 1970 | 1980 | 1990 | 2000 |
| Yywohner | 493 | 513 | 593 | 597 | 553 | 604 | 700 | 754 |
Dialekt
Dr lombardisch Dialäkt vu Morcote ghert zum Comasco-Lecchese.
Böuwärch
- Bfaarchilche S. Maria del Sasso /(13. Jh., 1462 nei böue, 1758 umböue)
- Bättkapäll S. Antonio Abate (vor 1591 gweit)
- Kapäll S. Antonio da Padova (1676)
- Monumentalfridhof (1750)
Chilche S. Maria del Sasso 
Fridhof 
Morcote
Lyt
- Domenico Rossi (1657–1737), Architekt z Venedig
- Gaspare Fossati (1809–1883), Architekt
- Gerhard Winkler (1906–1977), dytsche Schlagerkomponischt (Capri-Fischer), hät e Villa z Morcote als Summerresidänz gha
- Richard Winkler (1898–1972), dytsche Induschtrielle, hät e Feriehus z Morcote gah
- Giorgio Massari (1687–1766), Architekt vu Venedig
- Peter Alexander (1926–2011), öeschtrychische Sänger, Schauspiler un Showmaster, hät e Feriehus z Morcote gha
- Eugen d’Albert (1864–1932), dytscher Komponischt un Pianischt, isch uf em Fridhof vo Morcote begrabe
Literatur
- Virgilio Gilardoni: Il Romanico. Catalogo dei monumenti nella Repubblica e Cantone del Ticino. La Vesconta, Casagrande S.A., Bellinzona 1967, S. 319, 437–438, 582.
- Kunstführer durch die Schweiz. Vollständig neu bearb. Ausgabe. Hrsg. von der Gesellschaft für Schweizerische Kunstgeschichte. Band 2. GSK, Bern 2005, ISBN 3-906131-96-3, S. 750–754.
- Simona Martinoli und andere: Guida d’arte della Svizzera italiana. Edizioni Casagrande, Bellinzona 2007.
- Giuseppe Negro: Morcote. In: Historisches Lexikon vo dr Schwiiz.
- Adolf K. Placzek: Macmillan Encyclopedia of Architects. 1982, S. 613–614.
- Celestino Trezzini: Morcote. In: Historisch-Biographisches Lexikon der Schweiz, Band 5: Monopole – Neuenkirch. Attinger, Neuenburg 1921, S. 159.
Weblink
Fueßnote
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
