Messiah

Dr Messiah (HWV 56, dt. Der Messias) isch en Oratorium vom Georg Friedrich Händel uf Bibelteggst in ere Zämmestellig uf Änglisch vom Charles Jennens für vier Soli (SATB), Chor und Orchester. Es isch e Verdoonig vo dr christlige Glaubensleer im Bezuug uf e Messias und basiert uf dr King-James-Bible und uf em Book of Common Prayer. Es isch im Summer vo 1741 komponiert und am 13. April 1742 z Dublin urufgfüert worde.

D Dittelsite vom Händel sinere Partitur

Dr Hallelujachor

S Wärk ghöört bis hüte zu de populäärste Bischbil vo gäistliger Muusig im christlige Oobeland. In sine drei Däil umfasst s die christligi Häilsgschicht und alttestamäntligi Brofezeijige vo Brofeete wie em Jesaja, s Lääbe vom Jesus, wo as Erfüllig vo de Brofezeijige gsee wird, si Geburt, si Dood am Chrüz und si erhoffts zwäits Choo. S Lääbe wird zwaar vor allem im Nöije Testamänt beschriibe, dr Teggst vom Oratorium goot aber vor allem uf s Alte Testamänt zrugg. S Halleluja aus dem Wärk isch des bekannteschte Stügg draus ond wohl au s bekannteschte vom Händel ieberhaubt.

Dr Messiah isch as Benefizkonzärt z Dublin urufgfüert worde und d Lüt si begäisteret gsi. Z London hingeege het s wie scho bi Israel in Egypt Stimme gee, wo kritisiert häi, ass Bibelwort im ene wältlige Theater brucht wärde und bim Messiah isch no drzue choo, ass Zitat us de Evangelie für en Oobeunderhaltig verwändet worde si. No Joor spööter isch s Wärk as blasfemisch verurdäilt worde.

Litratuur

• Donald Burrows: Handel: Messiah. Cambridge Music Handbooks. Cambridge University Press, New York 1991, ISBN 0-521-37620-3.
• Tassilo Johannes Erhardt: Händels Messiah. Text, Musik, Theologie. Comes, Bad Reichenhall 2007, ISBN 978-3-88820-500-2.
• Klaus Miehling: Händels Messiah auf Tonträgern: Fassungen, Aufführungspraxis; in: Göttinger Händel-Beiträge VII, Göttingen 1998, 267 - 294, ISBN 978-3-52527-816-1.
• Andreas Waczkat: Georg Friedrich Händel. Der Messias. Bärenreiter, Kassel 2008, ISBN 978-3-7618-2107-7.
• Stefan Zweig: Sternstunden der Menschheit. Darin: „Georg Friedrich Händels Auferstehung – 21. August 1741“ (Die Entstehung des Oratoriums Messias). 50. Auflage. Fischer, Frankfurt am Main 2006, ISBN 978-3-596-20595-0.

Weblinks

 Commons: Messiah – Sammlig vo Multimediadateie

 Messiah im dütschsprochige Wikisource

• Messiah: Note im International Music Score Library Project.
• Gmäinfreiji Noote vom Messiah in dr Choral Public Domain Library (ChoralWiki) (änglisch)
• D Partitur vom Messias (Usgoob vom Friedrich Chrysander, Leipzig 1902)
• Im Händel si Autograaf vom Messias (Usgoob vom Friedrich Chrysander, Leipzig 1892)
• Libretto vom Messiah (änglisch)
• Messiah / Der Messias: MIDI/MP3-Format, mit Übungsdateien für Choristen
• Händels Messias durch die Jahrhunderte (Site cha nüme abgrüeft wärde; Suche im Webarchiv) Vorlage:Toter Link/psg.com
• Händel/Mozart Der Messias

Dä Artikel basiert uff ere fräie Übersetzig vum Artikel „Messiah“ vu de dütsche Wikipedia. E Liste vu de Autore un Versione isch do z finde.