Margrith Ladner-Frei

D Margrith Ladner-Frei, wo anne 1949 uf d Wält choo isch, isch e Schwiizer Mundartautoorin.

Si isch vo Schiers und woont z Grüsch im Prättigau, und si het als Awalts- und Grichtssekretärin gschaffet. Si isch Journalischtin und Schriftstellerin; und me könnt sen au als Jeegerin.

D Margrith Ladner-Frei schrybt Gschichten im Prättigauer Dialäkt, wo zum Walserdüütsch ghöört. Iri eerschte Stuck sind i de Zytige Prättigauer & Herrschäftler (ab 1975) und Bündner Woche vröfentlicht woorde, dänn im Buech Läsiblüescht vo 2017^[1] und drufabe 2019 imenen äigene Buech mit em Titel Schälleria. Es git vo dr Autoorin au es Buech uf Hoochdüütsch: Emotionen einer Jägerin.

D Mundartautoorin isch i de Sändig Schnabelweid vom 22. Oktober 2009,^[2] vom 2. Mai 2013^[3] und vom 27. Septämber 2019 z Wort choo.

Wäärch

• Emotionen einer Jägerin. Grüsch 2009.
• Schälleria. Ärzelläga, Gädicht, Gschichtä. 2019.

Fuessnoote

1. Läsiblüescht. Prättigauer und Davoser Dialekttexte aus 159 Jahren. Useggää vo dr Walserveräinigung Graubünde, Projäktläitig: Marietta Kobald. o. O. 2017, S. 276–280.
2. Nachpuure – Gschichte us em Prättigau (Memento vom 29. Oktober 2019 im Internet Archive) d Margrith Ladner-Frei i dr Schnabelweid vom 22. Oktober 2009
3. Gschichta in ünschr Prättigauer Schpraach d Margrith Ladner-Frei i dr Schnabelweid vom 2. Mai 2013