Magnetfeld

E magnetischs Fäld isch dr magnetisch Effekt vo elektrische Strööm und magnetische Material. S magnetische Fäld isch e Wektorfäld und het an jedem Punkt e Richdig und e Gröössi.^[1]

S magnetische Fäld vom ene ideale zylindrische Magnet mit ere Sümmetrieaggse in dr Bildebeni. S magnetische Fäld isch daargstellt dur Magnetischi Fäldlinie, wo d Richdig vom Fäld an verschidnige Pünkt zäige.

Die magnetischi Flussdichdi B und die magnetischi Fäldstärki H

Dr Begriff Magnetfäld wird für zwäi underschidligi Fälder brucht, wo aber äng verbunde si und d Sümbol ${\displaystyle B}$ und ${\displaystyle H}$ überchoo häi. Die magnetischi Fäldstärki ${\displaystyle H}$ wird im SI-Äihäitesüsteem in Ampeer bro Meter (A·m⁻¹ oder A/m) und die magnetischi Flussdichdi ${\displaystyle B}$ wird in Tesla (Sümbol:T) und Newton bro Meter bro Ampeer (N·m⁻¹·A⁻¹ oder N/(m·A)) gmässe. ${\displaystyle B}$ isch mäistens über d Lorentzchraft definiert, wo s Fäld mit ere uf beweegligi elektrischi Laadige wirkt.

S Entstoo vo magnetische Fälder

Magnetischi Fälder chönne broduziert wärde, wemm mä elektrischi Laadige bewegt und dur die magnetische Momänt vo Elementardäili, wo mit ere fundamentale kwantemechanische Äigeschaft, em Spin.^[2][3] In dr Spezielle Relatiwidäätstheorii si elektrischi und magnetischi Fälder zwäi Äigeschafte, wo mitenand verbunde si, vom ene Objekt, em elektromagnetische Fäldsterkitensor; wie sich dä Tensor in en elektrischs und e magnetischs Fäld ufdäilt, hängt vo dr relative Gschwindikäit zwüschen em Beobachder und dr Laadig ab. In dr Kwantefüsik isch s elektromagnetische Fäld kwantled und elektromagnetischi Wäggselwirkige wärde dur Fotone vermiddlet.

Magnetfälder im Alldaag

Im Alldaag drifft mä magnetischi Fälder mäistens as d Chraft aa, wo mit ere Magnet ferromagnischi Material us Iise, Kobalt oder Nickel aazien. Magnetischi Fälder wärde überall in dr modärne Technik aagwändet, vor allem im Elektroääscheniöörwääse und dr Elektromechanik. Magnetischi Fälder, wo sich dräije, wärde in elektrische Motör und Generator verwändet. Magnetischi Chreft gäbe Uskumft über d Laadigsdrääger im ene Material dur dr the charge carriers in a material through the Hall-Effekt. Wie magnetischi Fälder in electrische Apparät wie Dransformer funkzioniere, wird in dr Disziplin vo de Magnetische Kräis studiert.

D Ärde broduziert iir äignigs magnetischs Fäld, wo für d Nawigazioon wichdig isch und d Atmosfääre vor em Sunnewind schützt.

Weblingg

 Commons: Magnetfälder – Sammlig vo Multimediadateie

Fuessnoote

1. Gnauer: e magnetischs Fäld isch e Psöidowektor. Zu dene ghööre au s Dräimomänt und d Dräizaal. Si äänele de Wektor, ändere sich aber nid, wenn d Koordinate gwäggslet wärde.
2. David C. Jiles: Introduction to Magnetism and Magnetic Materials, 2, S. 3, CRC 1998, ISBN 0412798603
3. The Feynman Lectures on Physics, 2, S. 1.7–1.8, California Institute of Technology 1964, ISBN 0465079989

Dä Artikel basiert uff ere fräie Übersetzig vum Artikel „Magnetic_field“ vu de änglische Wikipedia. E Liste vu de Autore un Versione isch do z finde.