From Wikipedia, the free encyclopedia
As Kiddusch (hebräisch קידוש vo kadosch, häilig, dütsch wörtlig „Häiligung“, mänggisch „Sääge“), bezäichnet mä dr Sääge über eme Bächer Wii, wo mä mit em dr Schabbat und die jüüdische Fiirdääg iiläitet. Dr Kiddusch wird abgläitet us em 2. Buech Mose 20,8: „Dänk an dr Sabbatdaag, für dass du iin duesch häilige“.
Dr Kiddusch am Schabbat und an de Fiirdääg wird dehäi grad vor em Ässe gsäit. Im Allgemäine isch s dr Maa im Huus wo s macht, aber au Fraue müesse. Dr Kiddusch cha über Wii oder en anders Getränk gsäit wärde oder, wenn s käis het, über d Schabbatbroot. Aschkenasischi Juude säge am Friddigoobe e Kiddusch au in dr Synagoge. Das chunnt drvoo, ass früener Juude uf dr Räis in de Synagoge gässe häi.[1]
Doodrvo abgläitet isch e meer oder weeniger groosses Mööli,[2] wo in aschkenasische Gmäinde mäistens am Schabbat, aber mänggisch au an Fiirdääg, noch em Morgegottesdienst vo Mitgliider vo dr Gmäind bi bsundrige Gläägehäite aabote wird, und wo mä au as Kiddusch bezäichnet.[3] Es git Gmäinde won er hüte e feste Bestanddäil vom Lääbe vo dr Gmäind isch und vo dr Gmäind finanziert wird.[4]
As Kiddusch HaSchem, d Häiligung vom Naame (vo Gott), bezäichnet mä s Festhalten am jüüdische Glaube dur Martürium, Gebät und Lääbensfüerig. S Geegedäil vo Kiddusch HaSchem isch dr Chillul HaSchem, d Entweijig vom Naame (vo Gott).[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
