Uff d’ Walt kumma-n-ìsch dr Amira Kiziamina ànna 1995 z’ Kinshasa, dr Hàuiptschtàdt vu dr hìttiga Demokrààtischa Repüblik Kongo. Ar ìsch Melaninàrm.^[1] Siina äärschta Laawesjoohra hàt’r ìn siinera Geburtsschtàdt verbrocht. Wahrem Äärschta Kongokriag ìsch’r zamma mìt siinera Fàmìlia ìns Frànkrììch gflechta.^[2] D’ Fàmìlia hàt sìch ìm Viartel Rougemont z’ Sevran nordeschtlig vu Pàriis nììdergloo. Ìn siinera Jugend hàt dr Kiziamina fànga-n-àà rappa; àm Ààfàng hàt’r dr Grupp „Hall 14“ zamma mìt da Rapper Stilday, Kifa, Krimo JS un Zino gebìlda.^[3] Ànna 2012 hàt d’ Grupp ìhr äärscht Liad Traumatiser veräffentligt.

Ànna 2015 hàt dr Kalash Criminel siina Solo-Kàrriar ààgfànga. Sii äärscht Liad 10 12 14 Bureau ìsch ìm Nowamber 2015 üüssagànga. Drnooh hàt’r d’ Freestyle-Raihja Sauvagerie veräffentligt. Schpeeter hàt’r zamma mìt da Rapper Ixzo, Sofiane, Kaaris, Jul un Damso gschàfft. Àm 20. Jüüli 2016 hàt’r verkìndigt, àss’r a Vertrààg biim Label Def Jam France unterzaichent hàt.^[4]

Zamma mìt’m Kaaris hàt’r s’ Liad Arrêt du cœur uffgnumma, mìt wällem’r ìn dr frànzeescha Rap-Szääna bekànnt worra-n-ìsch. Àm 23. Septamber 2016 ìsch sii äärscht Solo-Müüssikvideo Sale Sonorité üüssagànga.^[5] S’ Video ìsch mehr àss 10 Millioona glüagt worra. Àm 28. Oktoower 2016 ìsch sii äärscht Mixtape R.A.S veräffentligt worra.^[3]^[6] Ìn dr äärschta Wucha-n-ìsch s’ Wark 2.970 Mol verkàuift worra.^[7] S’ Mixtape ìsch uff Plàtz 22 vu da frànzeescha-n-Àlbumcharts gsìì,^[8] un uff Plàtz 29 ìm Wallonia.^[9] Ìm Oktoower 2017 ìsch s’ Mixtape Guldiga-Schàllplàtta-n-ìm Frànkrììch worra, mìt mehr àss 50.000 verkàuifta Schàllplàtta.^[10]

Àm 19. Mai 2017 ìsch ìm Kalash Criminel sii zwait Mixtape Oyoki-n-üüssagànga. Dr Tìtel bediitet „Hàsch verschtànda“-n-uff Lingala.^[11] S’ Wark ìsch bis àm Plàtz 8. vum frànzeescha-n-Àlbumcharts glunga,^[12] un bis àm Plàtz 29 ìm Wallonia.^[13] Ìm Àwrìl 2022 ìsch s’ Mixtape ìm Frànkrììch Plàtin-Schàllplàtta worra, mìt mehr àss 100.000 verkàuifta Schàllplàtta.^[14]

Àm 23. Nowamber 2018 ìsch ìm Kalash Criminel sii äärscht Schtüdio-Àlbum La Fosse aux lions bii siim aigena Label Sale sonorité Records ärschìena,^[15] ìn Pàrtnerschàft mìt Universal. Mìt’m Liad Cougar Gang uff’m Àlbum ìsch a Kontrowärs gsìì, wial dr Rapper doo d’ Brigitte Macron, dr Ehafràui vum frànzeescha Schtààtspresidànt Emmanuel Macron, àls „Cougar“ bezaichent hàt. S’ Label Universal hàt àlso s’ Liad üss’m Àlbum àwaggnumma.^[16]^[17] S’ Àlbum ìsch àm Plàtz 7 vu da Àlbumcharts ìm Frànkrììch gsìì, un àm Plàtz 28 ìm Wallonia.^[18] Ìm Mai ìsch’s ìm Frànkrììch Guldiga-Schàllplàtta worra, mìt mehr àss 50.000 verkàuifta Schàllplàtta.^[19]

S’ zwaita-n-Àlbum Sélection naturelle ìsch àm 20. Nowamber 2020 üüssagànga. Àm Wark hann mehrera wìchtiga frànzeeschschproochiga Rapper mìtgmàcht: dr Nekfeu, dr Damso, dr JuL, dr Niska, dr Bigflo et Oli un dr 26Keuss.^[20] S’ Àlbum ìsch bis àm Plàtz 4 ìm Frànkrììch glunga,^[21], un bis àm Plàtz 5 ìm Wallonia.^[22] Ìm Jüüni 2022 ìsch s’ Àlbum ìm Frànkrììch Guldiga-Schàllplàtta worra.^[23] Ìm März 2021 hàt dr Rapper a Wìederüüssgààb vum Àlbum Sélection naturelle ààkìndigt;^[24] sa ìsch ìm Nowamber 2021 üüssgànga.^[25]

Àm Andsjoohr 2021 hàt dr Kalash Criminel zamma mìt’m frànzeescha Rapper Kaaris a gmainsàm Àlbum uffgnumma.^[26] ’S haisst SVR un ’s ìsch àm 28. Janner 2022 ärschìena.^[27]

Ìn da Videos un uff dr Bììhna-n-ìsch dr Kalash Criminel ìmmer mìt’ma Kàppadütz z’ sah.^[28] Sii Gsìcht hann d’ Fans nia känna sah. Àui dr Kaaris hàt ìm Kalash Criminel sii Gsìcht nia gsah.^[29]

Dr Kalash Criminel ìsch dr Kusää vum kongoleesischa Füassbàllnàzionààlschpìeler Jonathan Okita.^[30]

sii Laawa un Kàrriar

siina Diskogràfii

Àlba un Mixtapes

Sìnggel

Weblìnks

Ainzelnoohwiisa