Julie Delpy

Lääbe

D Julie Delpy isch e Doochter vum franzeesische Schauspiilebaar Marie Pillet un Albert Delpy. Im Alter vu fimf joor isch si zum eerschte Mool uf ere Theaterbiini gstande.^[1] An dr Filmhoochschuel z New York het si Reschy studiert un läbt syter anne 1992 z Los Angeles.

E eerschti chlaineri roll het si im Film Détective vum Jean-Luc Godard (1985) iiberchuu. Fir iri Roll in Die Nacht ist jung (1986) isch sin 1987 fir dr César as Beschti Noowugsdaarstelleri nominiert woore. Iri eerscht grooß Hauptroll het si anne 1987 im Film Die Passion der Beatrice vum Bertrand Tavernier ghaa. Mit em z Dytschland seli erfolgryyche Film Hitlerjunge Salomon vu dr Agnieszka Holland (1990), wu si di wyybli Hauptroll gspiilt het, het iri internazionaal Karrieere aagfange. Si het nocherdani unter Reschiseer wie Volker Schlöndorff in Homo Faber gspiilt, was ere ne Nominierig fir dr Europäisch Filmbryys yybrocht het. Au het si di wyyblig Hauptroll in Drei Farben: Weiß vum Krzysztof Kieślowski ibernuu. Im Disney-Film Die drei Musketiere vu 1993 het me si in ere Nääberoll chenne sää. Derzue het si 1997 im Film American Werewolf in Paris di zwoot Hauptroll vu dr Serafine Pigot gspiilt.

Uf dr Berlinale isch si mit em US-amerikaanische Reschiseer Richard Linklater un irem Schauspiilkolleeg Ethan Hawke drei Mool verdrätte gsii: 1995 mit Before Sunrise, 2004 mit Before Sunset un schließli 2013 mit Before Midnight, ere Liebesgschiicht in drei Dail, wu iiber 18 Joor goot. As Ko-Draibuechautoori vu Before Sunset un Before Midnight het d Delpy baid Mool e Oscar-Nominierig iiberchuu, derwyylscht iri schauspiilerisch Laischtig im dritte Dail e Golden-Globe-Nominierig kriegt het.

Anne 2001 het si in siibe Folge vu dr US-Erfolgsseeri Emergency Room – Die Notaufnahme d Fryndin vum Dr. Kovac gspiilt. Im Spootjoor 2003 isch e CD mit elf Chanson in änglischer un franzeesischer Sprooch uusechuu, wu si gsunge un derzue Gitarre gspiilt het.

Im Joor 2007 het si uf dr 57. Berlinale ire Reschydebüt 2 Tage Paris voorgstellt, 2009 het si mit Die Gräfin iri Verfilmig vum Lääbe vu dr ungaarische „Bluetgreefi“ Elisabeth Báthory bresäntiert. Mit 2 Tage New York het d Delpy 2012 dr Fuurtsetzigsfilm vu 2 Tage Paris in d Kino broocht. Boodi Kummeedine hän di kulturälle Unterschiide zwische Amerika un Frankryych parodiert. Si heeb s Kunzäpt vu dr fräche Franzoose gäärn, het d Delpy as Grund fir iri Ussenandersetzig mit em Teema aagee.^[2] Dää Film het si z Dytschland uf em Münchener Filmfescht voorgstellt. 2015 un 2019 sin mit Lolo – Drei ist einer zu viel un My Zoe nomool zwee Fil chuu, wu sii inszeniert het, 2024 isch Les barbares uusechuu. Fir iri Film duet si au d Draibiecher schryybe.

Anne 2017 het d Delpy dr Europäisch Filmbryys in dr Kategory Beschti europäisch Laischtig im Wältkino iiberchuu.

Vu 2004 bis 2013 isch d Delpy mit em dytsche Filmkumpenischt Marc Streitenfeld liiert gsii.^[3] Us däre Bezieig isch im Jänner 2009 e Suhn firigange.^[4]

Uusglääseni Filmografy

as Daarstelleri

1985: Détective
1986: Die Nacht ist jung (Mauvais Sang)
1987: Die Passion der Beatrice (La Passion Béatrice)
1990: Hitlerjunge Salomon
1991: Homo Faber
1993: Killing Zoe
1993: Younger and Younger
1993: Die drei Musketiere (The Three Musketeers)
1994: Drei Farben: Weiß (Trzy kolory: Biały)
1994: Geschichte(n) des Kinos – 2(a) Allein das Kinos (Histoire(s) du cinéma – 2(a) Seul le cinéma)
1995: Before Sunrise
1996: Tykho Moon
1997: American Werewolf in Paris
1998: L.A. Without a Map
1998: Schuld und Sühne (Crime and Punishment)
2001: Investigating Sex
2001: Waking Life
2001: Emergency Room – Die Notaufnahme (ER, Fäärnseeseerie 7 Folge)
2002: CinéMagique (Disney-Attrakzioon)
2004: Before Sunset
2004: Die Kreatur – Gehasst und gejagt (Frankenstein, Miniseerie)
2005: Broken Flowers
2006: The Hoax
2006: Guilty Hearts
2006: The Legend of Lucy Keyes
2007: 2 Tage Paris (2 Days in Paris)
2009: Die Gräfin (The Countess)
2009: The Air I Breathe – Die Macht des Schicksals (The Air I Breathe)
2011: Familientreffen mit Hindernissen (Le Skylab)
2012: 2 Tage New York (2 Days in New York)
2013: Before Midnight
2014: Avengers: Age of Ultron
2015: Lolo – Drei ist einer zu viel (Lolo)
2016: Wiener Dog (Wiener-Dog)
2017: Bachelors – Der Weg zurück ins Leben (The Bachelors)
2018: Burning Shadow
2019: My Zoe
2021: On the Verge (Fäärnseeseerie, 12 Folge)
2023: The Lesson
2024: Les barbares

Reschy un Draibuech

2007: 2 Tage Paris (Deux jours à Paris)
2009: Die Gräfin (The Countess)
2011: Familientreffen mit Hindernissen (Le Skylab, au Draibuech)
2012: 2 Tage New York (2 Days in New York)
2015: Lolo – Drei ist einer zu viel (Lolo)
2019: My Zoe
2024: Les barbares (au Draibuech)

Uusglääseni Uuszaichnige

1987: César-Nominierig fir Die Nacht ist jung (Beschti Noowugsdaarstelleri)
1988: César-Nominierig fir Die Leidenschaft der Beatrice (Beschti Noowugsdaarstelleri)
1991: Nominierig fir dr Europäisch Filmbryys fir Homo Faber (Beschti Daarstelleri)
2005: Empire Award fir Before Sunset (Beschti Daarstelleri)
2004: San Francisco Film Critics Circle Award fir Before Sunset (Beschti Hauptdaarstelleri)
2005: Oscar-Nominierig fir Before Sunset (Bescht adaptiert Draibuech – zäme mit em Richard Linklater, em Ethan Hawke un dr Kim Krizan)
2007: Publikumsbryys vum Tallinn Black Nights Film Festival fir 2 Tage Paris
2008: César-Nominierig fir 2 Tage Paris (Bescht Originaaldraibuech)
2008: Prix SACD (Noowugsbryys – Film)
2010: Reschybryys vum Cabourg Romantic Film Festival fir Die Gräfin
2011: Speziaalbryys vu dr Jury vum Festival Internacional de Cine de San Sebastián fir Skylab
2013: Dublin Film Critics Circle Award fir Before Midnight (Bescht Draibuech – zäme mit em Richard Linklater un em Ethan Hawke)
2013: Hollywood Film Award fir Before Midnight (Bescht Draibuech – zäme mit em Richard Linklater un em Ethan Hawke)
2013: Los Angeles Film Critics Association Award fir Before Midnight (Bescht Drehbuch – zäme mit em Richard Linklater un em Ethan Hawke)
2013: San Diego Film Critics Society Award fir Before Midnight (Bescht Draibuech – zäme mit em Richard Linklater un em Ethan Hawke)
2014: Boston Online Film Critics Association Award fir Before Midnight (Bescht Draibuech – zäme mit em Richard Linklater un em Ethan Hawke)
2014: Golden-Globe-Nominierig fir Before Midnight (Beschti Hauptdaarstelleri – Kumeedi oder Musical)
2014: National Society of Film Critics Award fir Before Midnight (Bescht Draibuech – zäme mit em Richard Linklater un em Ethan Hawke)
2014: Oscar-Nominierig fir Before Midnight (Bescht adaptiert Draibuech – zäme mit em Richard Linklater un em Ethan Hawke)
2017: Europäische Filmbryys (Beschti europäischi Laischtig im Wältkino)

Lääbe

Uusglääseni Filmografy

Diskografy

Uusglääseni Uuszaichnige

Weblink

Fueßnote

Wikiwand - on