From Wikipedia, the free encyclopedia
Dr John Coggswell Conner (* 14. Oktober 1842 z’ Noblesville, Hamilton County, Indiana; † 10. Dezamber 1873 z’ Washington, D.C.) ìsch a àmerikànischer Politiker gsìì. Vu 1869 bis 1873 hàt’r dr Bundesschtààt Texas vertratta ìm US-Repräsantàntahüs.
| Dialäkt: Mìlhüüserdiitsch |
Dr John Conner ìsch ìn d’ äffentliga Schüala vu sinera Haimet gànga, un schpeeter àns Wabash College z’ Crawfordsville. Ànna 1861 hàt ar ààgfànga, àn dr United States Naval Academy z’ Annapolis z’ schtudiara, hàt àwer d’ Schtudia unterbrocht. Zwìscha 1862 un 1864 hàt’r wahrem Sezessionskriag ìm 63rd Indiana Infantry Regiment bdiant, wo zem Unionsheer gheert hàt. Ìn Politik ìsch’r Mìtglìed gsìì vu dr Demokràtischa Pàrtei. Ànna 1866 hàt sìch dr Conner ärfolgloos ufgschtällt àls Kàndidàt fìr ’s Represantàntahüss vun Indiana. Vu 1866 bis 1869 ìsch’r ìm Texas schtàtzioniart gsìì, àls Hàuiptmànn vu dr United States Army.
Nohdam àss s’ Texas nochamol àls US-Bundesschtààt ààgnumma worra ìsch, ìsch dr Conner ìm zwaita Wàhlbeziark vu Texas àls Mìtglìed vum Represantàntahüss gwählt worra. Ìm Kongress ìsch’r àb em 31. März 1870 gsassa. Ar ìsch dr ainzelna demokràtischa Represantànt üss Texas gsìì ìn dr ärschta Legislàtürperioda noh-n-em Kriagsand. Dr Conner ìsch gega dr Repüblikàner Anthony M. Bryant wìdergwählt worra, mìt meh àls 75 Prozänt vu da Schtìmma. Ar ìsch àlso ìm Kongress bis àm 3. März 1873 gblìewa. Do hàt ar sìch gega d’ Hìlf fìr d’ befräita Sklàva un d’ Indiàner gschtällt. Ar hàt jedoch oft d’ Repüblikàner unterstìtzt, unterànderem um d’ Wahrung, d’ Iisabàhna un d’ Zollschranka. Gesundhaitshàlwer hàt’r àn da Kongresswàhla vu 1872 nìt mìtgmàcht.
Dr John Conner ìsch àm 10. Dezamber 1873 ìn dr Bundeshàuiptschtàdt Washington, D.C. gschtorwa un ìsch ìn sinera Haimetschtàdt Noblesville beardigt worra.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
