Johannes VIII. (Papst)

Dr Johannes VIII. (* vor 852 z Rom; † 16. Dezämber 882 z Rom) isch Papscht vu 872 bis 882 gsii.

Är isch vu Rom gstammt un isch dr Suhn vun eme Gundo gsii. Im Johr 852 isch er Archidiakon wore. Am 13. Dezämber 872 isch er uf dr Papschtdroon gwehlt wore. As Papscht het er sich noch em Verfall vum Frankerych Miei gee di päpschtli Vorherrschaft z Italie z erhalten un s Land gege d Araber z verdaidige. Anne 875 het er dr weschtfränkisch Chenig Karl dr Chahl zum Chaiser gchrent. Au däm sy Noofolger, dr oschtfränkisch Chenig Karl III. dr Dick het er anne 881 gchrent.

Dr Johannes het vu syne Vorgänger dr Konflikt mit em Photius I., em Patriarch vu Konstantinopel ibernuu, wu d Weschtchilche syt Nikolaus I. im Schisma mit em gsii isch. S Konzil vu 879 z Konstantinopel het zuen ere Ainigung gfiert, wu em Photius-Schisma en Änd gmacht het. S het e Kompromiss gee, wo em Bischof vu Rom d Jurisdiktion iber d Bischef im Weschte anerchännt un glychzytig fir di ibrige Patriarchat s Ehreprimat vu Rom auf aire Syte bstetigt, uf dr andere Syte aber di remisch Jurisdiktion abglähnt woren isch.

Dr Johannes het dr Slawe-Aposchtel Methodios unterstitzt un het anne 880 di slawische Sproch in dr Liturgi zuegloo.

Dr Johannes VIII. isch dr erscht vu acht mittelalterlige Päpscht, wu bekannt isch, ass si ggwaltsamt um s Läbe chuu sin. Us dr Quälle leen sich unterschidligi Versione belege: Entwäder isch er im Champf gege d Sarazene am 16. Dezämber 882 gstorbe oder er isch en andere Dod z Rom gstorbe: Wu syni Verwandte zerscht versuecht ghaa heebe, ihn z vergifte, solle si ne, wu s Gift nit schnäll gnue gwirkt ghaa het, mit eme Hammer verschlaa haa.

E Dail Autore wie z. B. dr Martin von Troppau (1278) un dr Bartolomeo Sacchi (1479) hän d Bhauptig ufgstellt, ass es sich bim Johannes VIII. nit um e Mann, sunder um di legendär Päpschti Johanna ghandle heeb. Fir die Bhauptig git s aber kaini wisseschaftlig anerkännti Bewys.

Literatur

• Michael Plathow: Johannes VIII. In: Biographisch-Bibliographisches Kirchenlexikon (BBKL). Band 3, Herzberg 1992, ISBN 3-88309-035-2, Sp. 203–204.

Weblink

 Commons: Johannes VIII. – Sammlig vo Multimediadateie

• Iohannes VIII papa im Repertorium „Geschichtsquellen des deutschen Mittelalters“
• Enciclopedia dei Papi

Vorgänger Hadrian II.

Papscht 872–882

Nochfolger Marinus I.

Normdate: GND: 118712551 | LCCN: nr91025279 | SUDOC/IdRef: 031716520 | VIAF: 39440938

Dä Artikel basiert uff ere fräie Übersetzig vu dere Version vum Artikel „Johannes_VIII._(Papst)“ vu de dütsche Wikipedia. E Liste vu de Autore un Versione isch do z finde.