From Wikipedia, the free encyclopedia
Dr Jean Rottner (28. Janner 1967 z’ Mìlhüüsa, Owerelsàss) ìsch a frànzeescher Politiker, wo jetz Mìtglìed ìn dr Pàrtäi Les Républicains ìsch. Ar ìsch vu 2010 bis 2017 Bìrgermaischter vu Mìlhüüsa gsìì, un sitter 2017 ìsch’r Vorsìtzender vum Regionààlroot vum Groossa-n-Oschta.
; *Dialäkt: Mìlhüüserdiitsch |
Dr Jean Rottner ìsch ànna 1967 z’ Mìlhüüsa-n-ìm Owerelsàss uff d’ Walt kumma. Siina Äältra sìnn Lehrer gsìì. Dr Rottner hàt Hailkunscht àn dr Louis-Pasteur-Üniwärsiteet z’ Schtroossburi gschtudiart. Ar ìsch z’äärscht ànna 1997 Notàrzt àm Mìlhüüser Schpitààlzäntrum gsìì un hàt vu 2005 bis 2009 dr arztliga Notdianscht (SAMU-SMUR) glaita.[1]
Àb Oktoower 2019 hàt dr Rottner witter àls Àrzt biim Notdianscht vum Schpitààlzäntrum vu Mìlhüüsa un Süüdelsàss gschàfft, dàsmol numma hàlbtààgs.[2]
Dr Rottner ìsch z’äärscht Mìtglìed vu dr Pàrtäi Union pour la démocratie française (UDF) gsìì. Ànna 2002 hàt’r sìch àn dr Union pour un Mouvement populaire (UMP) ààgschloosa —dia Pàrtäi ìsch grààd eewa grìnda worra gsìì. Kurz vorhar ìsch’r àls Schtällvertrattend’r vu dr Arlette Grosskost, dr UMP-Kàndidààtin àn dr Pàrlàmantswàhl ìm 5. Wàhlkrais vum Owerelsàss, ärnännt worra. D’ Grosskost ìsch àls Àbgoordneta gwählt worra un ìsch ànna 2007 wìedergwählt worra —dr Rottner ìsch doo ìhr Schtällvertrattend’r blìewa.
Àn dr Gmaindawàhl vu 2001 z’ Mìlhüüsa-n-ìsch dr Rottner Kàndidààt uff dr Lischta vum UDF-RPR gsìì. Àn dr Regionààlwàhl vu 2004 ìsch’r Kàndidààt uff dr Lischta vum Adrien Zeller (UMP) gsìì. Vu 2008 bis 2010 ìsch drzüa dr Rottner Pàrtäidelegiart’r vu dr UMP ìn siim Wàhlkrais gsìì.
Àn dr Gmaindawàhl vu 2008 ìsch dr Rottner uff ìm Jean-Marie Bockel siinera Bìndnisslischta (LGM-UMP-NC-MoDem)[3] ìn dr Mìlhüüser Gmaindaroot gwählt worra. Doo druff ìsch’r äärschter Schtällvertrattend’r vum näija Bìrgermaischter Bockel worra.
Ànna 2010 ìsch dr Jean-Marie Bockel ìn d’ frànzeescha Regiarung ärnännt worra. Ar ìsch àui Vorsìtzend’r vum Kommünààlverbànd Mulhouse Alsace Agglomération gsìì. Wagadam ìsch’r vu siim Àmt àls Bìrgermaischter vu Mìlhüüsa z’rucktratta. Àm 17. Mai 2010 hàt dr Mìlhüüser Gmaindaroot dr Rottner àls näijer Bìrgermaischter gwählt.[4]
Àn dr Gmaindawàhl vu 2014 ìsch dr Rottner àls Bìrgermaischter wìedergwählt worra. Dàsmol ìsch’r Kàndidààt uff dr Lischta UMP-UDI-MoDem gsìì. Ar hàt 45,77 Prozant vu da Schtìmma bikumma geega dr Soziàlìscht Pierre Freyburger (36,67 Prozant).
Àn dr Regionààlwàhl vu 2015 ìn dr näija Regioon Elsàss-Champagne-Ardenne-Lothrìnga (ACAL) hàt dr Jean Rottner d’ owerelsassischa-n-Àbtailung vun ìm Philippe Richert siinera Lischta glaita.[5] Àn dr Ürwàhl vu Les Républicains fìr d’ Presidànschàftswàhl vu 2017 hàt dr Rottner dr Nicolas Sarkozy-n-unterschtìzt.
Àm 6. Mai 2017 ìsch dr Rottner ìn’ma Füassbàllschpìel verlätzt worra. Àlso hàt ìhn d’ äärschta Schtällvertrattenda Michèle Lutz zittawiis àls Bìrgermaischter ärsätzt.[6]
Wu dr Rottner ànna 2017 Vorsìtzender vum Regionààlroot vum Groosa-n-Oschta worra-n-ìsch, hàt’r àls Bìrgermaischter vu Mìlhüüsa müassa z’rucktratta. Ìhm hàt àm 3. Nowamber 2017 d’ Michèle Lutz noohgfolgt; dr Rottner ìsch àwwer àls ìhr äärscht Schtällvertrattend’r gwählt worra.[7]
Noh-n-em Rucktrìtt vum Philippe Richert ìsch dr Rottner àm 20. Oktoower 2017 àls Vorsìtzender vu dr Regioon Groossa-n-Oschta gwählt worra.[8] Wìedergwählt worra-n-ìsch’r àm zwaita Wàhlgàng vu dr Regionààlwàhl àm 27. Jüüni 2021, mìt 40 Prozant vu da Schtìmma.[9]
Dr Jean Rottner ìsch àm 14. Jüüli 2018 àls Rìtter vu dr Eehralegioon ärnännt worra.[10]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.