Isorno TI

Isorno TI isch es Dorf i de politische Gmai Onsernone im Kanton Tessin in dr Schwyz. Es ghert zum Chrais (circolo) Onsernone im Bezirk Locarno.

S TI im Lemma isch s offiziell Chürzel vom Kanton Tessin und wird bruucht, zum Verwächslige mit Yträäg vom Name Isorno vermyde, wo öppis anders meined.

Isorno
S Wappe vo Isorno
Basisdatä
Staat:	Schwiiz
Kanton:	Tessin (TI)
Bezirk:	Locarnow
Kreis:	Onsernone
Gmeind	Onsernone
PLZ	6661
Koordinate:	695426 / 11758946.2038.675678
Höchi:	678 m ü. M.
Flächi:	17,1 km²
Iiwohner:	324 (31. Dezämber 2013)[1]
Auressio Auressio
Charte
Charte vo Isorno w

Geografi

D Gmai Isorno im Onsernonedal het ihre Name vum glychnamigte Fluss iberchuu, wu vum italienische Gebiet häärchunnt un derno dur s Onsernonedal fliesst. Nochbergmaine sin Cavigliano, Centovalli, Maggia, Mosogno un Onsernone. Zum Ortsdail Berzona ghert au no dr Wyler Seghelina, zue Loco d Wyler Niva un Rossa gsii.

Gschicht

Isorno isch entstande anne 2001 dur d Fusion vu dr bishärige Gmaine Auressio, Berzona un Loco.

Auressio isch zum erschte Mol gnännt wore anne 1233 as Oraxio, Berzona anne 1265 as Berzona, Loco anne 1224 as Loco.

Am 10. April 2016 het Isorno mit dän ehemolige Gmaine Gresso, Mosogno und Vergeletto i d Gmai Onsernone fusioniert.

Verwaltig

Dr Burgermaischter (Sindaco) vu Isorno isch dr Athos Rima gsii.

Bevelkerigsentwicklig

Quälle: Bundesamt für Statistik 2005^[2]

Johr	1850	1860	1870	1880	1888	1900	1910	1920
Auressio	198	260	249	202	193	164	139	111
Berzona	235	260	224	202	191	151	146	134
Loco	600	745	681	634	556	402	335	306
Johr	1930	1941	1950	1960	1970	1980	1990	2000
Auressio	113	68	76	52	56	58	71	71
Berzona	111	94	84	79	74	61	58	48
Loco	289	247	258	204	210	224	237	254

Dialekt

Dr lombardisch Dialäkt vu Isorno ghert zum Ticinese.

Böuwärch

• Chilche S. Antonio AbateAuressio (1526 gweit)
• Chilche S. Defendente, Berzona (1564 böue, syt 1777 Bfaarchilche)
• Kapäll S. Maria, Berzona (1682)
• Kapäll S. Maria Lauretana, Seghelina (1766)
• Chilche S. Remigio, Loco (1228 zum erschte Mol gnännt, aafangs 16. Jh. nei böue, mit ere Nachtmohlsdarstellig vum flämische Moler Godefridus Maes vu 1683)
• Kapäll S. Giovanni Nepomuceno, Niva (spotbarock)
• Kapäll Madonna di Re, Sassello (Ändi 17. Jh.)
• Villa Edera, Auressio (1887 böue loo vum Paolo Antonio Calzonio, aafangs 1930er restauriert, hite d Jugedhärbärg)

Lyt

Noch em Zweete Wätchrieg sin e Raie vu bekannte Chinschtler un Schriftsteller zytwys z Berzone gwohnt, unter anderem dr Max Frisch vu 1964 bis zue sym Dod 1991, dr Alfred Andersch vu 1958 bis zue sym Dod 1980 un dr Golo Mann.

Bilder

• 
  Kapäll S. Giovanni Nepomuceno
• 
• 
• 

• 
• 
• 
• 

Literatur

• Elfi Rüsch: Distretto di Locarno IV. Hrsg. Gesellschaft für Schweizerische Kunstgeschichte, Bern 2013, ISBN 978-3-03797-084-3.

Weblink

 Commons: Isorno – Sammlig vo Multimediadateie

• Marco Marcacci: Isorno. In: Historisches Lexikon vo dr Schwiiz.
• Vasco Gamboni: Loco. In: Historisches Lexikon vo dr Schwiiz.
• Vasco Gamboni: Auressio. In: Historisches Lexikon vo dr Schwiiz.
• Vasco Gamboni: Berzona. In: Historisches Lexikon vo dr Schwiiz.

Fuessnote

1. Bilanz der ständigen Wohnbevölkerung nach Bezirken und Gemeinden uf bfs.admin.ch (Bundesamt för Statistik)
2. Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) Vorlage:Toter Link/www.bfs.admin.ch, Date im Aahang (Site cha nüme abgrüeft wärde; Suche im Webarchiv) Vorlage:Toter Link/www.bfs.admin.ch)

Politischi Gmaine im Chrais Onsernone Onsernone Ehmoligi Gmaine: Auressio | Berzona | Comologno | Crana | Gresso | Isorno | Loco | Mosogno | Rasa | Russo | Vergeletto Kanton Tessin | Gmaine im Kanton Tessin | Bezirk Locarno

Normdate: GND: 1031692673 | VIAF: 296144970