Hommage

E Hommasch (vo frz. homme, lat. homo, „Mensch“) isch en öffentligi Eerig, mäistens vo öbber berühmtem, wo mä sich im verpflichtet füült.

Ursprünglig isch d Hommasch e feudaali Zeremonii, wo d Vasalle und Underdaane vom ene Leensherr däm iiri Dröiji versproche häi, d. h. si wurde siini Manne si.

Hützudags wird dr Begriff Hommasch vor allem im Kunstbedriib brucht. Mä gseet din alli Verwiis uf öbber anders as dr Künstler sälber, wo im Raame vo däm sim künstlerische Wärk vorchömme und won er drmit si Dank wil vermiddle. Kunstwärk als Ganzes si mänggisch explizit as Hommasch entworfe, und s Wort Hommage chunnt sogar im Ditel vor. Vilmol isch aber e sonigi Hommasch abhängig vo dr Interbretazioon. Es git zum Bischbil Kritiker wo sääge, ass im Woody Allen si Film Manhattan e Hommasch für Nöi York sig, oder s Album Abbey Road e Hommasch an s Doonstudio vo de Beatles.

Dä Artikel basiert uff ere fräie Übersetzig vum Artikel „Hommage“ vu de dütsche Wikipedia. E Liste vu de Autore un Versione isch do z finde.