From Wikipedia, the free encyclopedia
Dr Hans-Peter Bärtschi (* 23. Februar 1950 z Winterthur; † 2. Februar 2022[1]) isch e Schwyzer Architäkt, Autor un Fotograf un au Tächnik- un Wirtschaftshischtoriker gsii.
Dr Bärtschi het ab 1969 an dr ETH Züri unter anderem bim Aldo Rossi studiert, bi däm het er au sy Diplomarbet iber d Umnutzig vum Zürcher Kaserneareal gmacht. Sy Dissertation iber «Industrialisierung, Eisenbahnschlachten und Städtebau» het er bim Jean-François Bergier gschribe, 1980 het er promoviert. Scho in dr Zyt vum Studium het er si fir dr Erhalt vu Kulturgieter in dr Struktur vu dr Architäktur engaschiert. Är het anne 1979 d «ARIAS-Industriekultur»[2] grindet, go d Dokumentation un Reschtaurierig vu Induschtrydänkmol megli mache. Glychzytig het er in verschidene Museum rund 100 Uusstellige zur Induschtrygschichte kuratiert, wie zum Byschpel syt 1981 fir di ehmolig Bierbröuerei Mühlerama.
Derzue het dr Bärtschi iber 30 Biecher im Beraich Tächnik, Architäktur un Böutächnikgschicht, au fir Radio- un Färnsehsändige publiziert.[3][4] Är het rund 350'000 Foto gmacht zur Induschtry-Arbetswält, wun er zäme mit syre Frau Sylvia Bärtschi-Baumann in d Stiftig Induschtykultur iberfiert un däre vermacht het. Zurzyt wäre die Foto vu dr ETH digitalisiert un unter freier CC-Lizänz online gstellt.
Dr Pionier vu dr «Schweizer Industrie-Archäologie»[5] isch, wien er sälber gschribe het, «zwischen der Giesserei Rieter, der Lokomotiven-Fabrik und dem Eisenbahn-Stellwerk» ufgwagse, un het fir d «Rettung von Zeugen der grossen industriellen Ära der Schweiz» un gege dr aisytig Mythos vum Buure-Landidyll kämpft.[5]
E Hufe Verlag, wu dr Bärtschi vereffetligt het, hän en gwirdigt: «Bärtschi ist ein Industrie-Erotiker. Er kennt jede Maschine, jeden Prozess, jeden Werkstoff»[6] un «Hans-Peter Bärtschi ist ein Besessener. Das industrielle Zeitalter in der Schweiz aufzuarbeiten, ist sein Lebenswerk. (…) Und er ist ein wandelndes Lexikon; ein gutes, das nicht nur Begriffe nennt, sondern auch Zusammenhänge kennt».[7]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
